शिवसेना नेते तानाजीराव सावंत यांची भाजप पदाधिकाऱ्यांची सदिच्छा भेट जिल्ह्यात वेगळ्याच चर्चेला उधाण… धाराशिवच्या रस्ता निविदा वादाला नवे वळण?
धाराशिव दि. ०३ (प्रतिनिधी):
पुणे येथील कात्रज परिसरातील संपर्क कार्यालयात शिवसेना (शिंदे गट) नेते, माजी पालकमंत्री तथा सार्वजनिक आरोग्य व कुटुंबकल्याण मंत्री प्रा. डॉ.तानाजीराव सावंत यांची भाजप पदाधिकाऱ्यांनी सदिच्छा भेट घेतली.
या भेटीत भाजप जिल्हाध्यक्ष दत्ताभाऊ कुलकर्णी, माजी जिल्हाध्यक्ष संताजीराव चालुक्य, तसेच नेते नितीन काळे उपस्थित होते.
मात्र, ही भेट केवळ सदिच्छा म्हणून घेतली का, की धाराशिवच्या १४० कोटींच्या रस्ता निधी व निविदा वादाशी संबंधित काही गुप्त चर्चाही झाल्या, असा प्रश्न राजकीय वर्तुळात उपस्थित होत आहे.
माजी पालकमंत्री तथा भूम परंडा वाशी चे आमदार सावंत यांनी यांच्या काळात विशेष लक्ष घालून मंजूर घेतलेल्या १४० कोटींच्या निधीतील कामांना अद्याप सुरुवात झालेली नाही. या कामांमध्ये अनियमितता असल्याचा ठपका ठेवून विद्यमान पालकमंत्री प्रतापराव सरनाईक यांनी संबंधित निविदा रद्द करून फेरनिविदा काढण्याचे आदेश दिले होते. दरम्यान, भाजपा कार्यकर्त्यांनी आमदार राणाजीतसिंह पाटील यांनी या निधीच्या मंजुरीसाठी केलेल्या पाठपुराव्याबद्दल शहरात सत्कार सोहळेही झाले होते, मात्र नगरविकास विभागाच्या हस्तक्षेपानंतर तो आनंद फिकाच ठरला.
आज मंत्रालयात या कामासंदर्भात बैठक होण्यापूर्वीच भाजप नेत्यांची सावंत यांच्याशी घेतलेली भेट चर्चेचा विषय ठरली आहे.
तर “ही भेट विकासकामातील तणाव शमवण्यासाठी की नव्या राजकीय समीकरणाची पूर्वतयारी आहे?”
याबाबत सावंत किंवा भाजप पदाधिकाऱ्यांकडून अधिकृत प्रतिक्रिया अद्याप मिळालेली नाही, मात्र या भेटीने धाराशिवच्या राजकारणात नवीन चर्चेला जोर चढला आहे.
एककडे शहरातील अंतर्गत रस्त्याच्या स्थगितीच्या मुद्द्यावरून पालकमंत्री प्रताप सरनाईक व भाजप आमदार राणा पाटील हे एकमेकांसमोर उभा टाकलेत त्यातच आता भारतीय जनता पार्टी डॅमेज कंट्रोल करण्यासाठी तानाजी सावंत यांच्याबरोबर येणाऱ्या नगरपालिका निवडणुका जिल्हा परिषद निवडणुका लक्षात घेऊन मिळवण्याचा प्रयत्न तर करत नाहीत ना अशी चर्चा या भेटीच्या निमित्ताने केली जात आहे
लोकमदत न्यूज सत्य शोधून लिहिण्याची ताकद
संपादक अमजद सय्यद 8390088786
