शिवसेनेत कार्यकर्त्यांचा पक्षप्रवेश… पालकमंत्री प्रताप सरनाईक यांच्या हस्ते सोहळा संपन्न
धाराशिव दि.१७(प्रतिनिधी):राज्याचे परिवहन मंत्री तथा धाराशिव जिल्ह्याचे पालकमंत्री प्रताप सरनाईक यांच्या उपस्थितीत धाराशिव जिल्ह्यात मोठ्या उत्साहात शिवसेना पक्षप्रवेश सोहळा पार पडला. या कार्यक्रमात प्रशांत थोरात, लक्ष्मण जगदाळे, बालाजी मुळे, दत्ता मुळे, बळीराम धारुळे, उमर मुल्ला यांच्या सह आणखी कार्यकर्त्यांनी शिवसेनेत जाहीर प्रवेश केला.
हा पक्षप्रवेश सोहळा युवासेना धाराशिव लोकसभा अध्यक्ष आनंद (तात्या) पाटील यांच्या मार्गदर्शनाखाली संपन्न झाला. यावेळी शिवसेना उपनेते माजी आमदार ज्ञानराज चौगुले, जिल्हा प्रमुख मोहन पणुरे, तालुकाप्रमुख जगन्नाथ पाटील, उपनगराध्यक्ष अमीन सुंबेकर यांच्यासह असंख्य पदाधिकारी व कार्यकर्ते मोठ्या संख्येने उपस्थित होते.
कार्यक्रमादरम्यान पालकमंत्री प्रताप सरनाईक यांनी नव्या कार्यकर्त्यांचे गळ्यात भगवा अंगवस्त्र व धनुष्यबाणाचे चिन्ह अर्पण करून शिवसेनेत स्वागत केले. त्यांनी या नव्या कार्यकर्त्यांचे अभिनंदन करताना म्हटले की, “शिवसेना ही सर्वसामान्यांच्या न्यायासाठी झटणारी पक्षयंत्रणा असून कार्यकर्त्यांना संघटनात मानाचे स्थान आहे.”
युवासेना लोकसभा अध्यक्ष आनंद तात्या पाटील यांनी जिल्ह्यात युवकांना संघटित करण्यासाठी आणि रोजगारनिर्मितीच्या संधी उपलब्ध करून देण्यासाठी सातत्याने काम केले आहे. त्यांच्या नेतृत्वगुणांची व सामाजिक कार्याची दखल घेऊन जिल्ह्यातील युवकांचा मोठ्या प्रमाणात शिवसेनेकडे ओढा वाढत आहे. आनंद पाटील यांनी राबवलेल्या सामाजिक व युवकांसाठीच्या उपक्रमांचा परिणाम म्हणून इतर पक्षांतील कार्यकर्ते देखील मोठ्या प्रमाणात शिवसेनेत दाखल होत आहेत.
कार्यक्रमात बोलताना स्थानिक पदाधिकाऱ्यांनी एकमुखाने मत व्यक्त केले की, उपमुख्यमंत्री व शिवसेना प्रमुख एकनाथ शिंदे, युवासेना प्रमुख डॉ. श्रीकांत शिंदे व पालकमंत्री प्रतापराव सरनाईक यांच्या नेतृत्वावर विश्वास ठेवून धाराशिव जिल्ह्यातील युवक व कार्यकर्त्यांमध्ये नवचैतन्य संचारले असून येत्या काळात शिवसेना आणखी सबळ होणार आहे.
लोकमदत न्यूज “सत्य शोधून लिहिण्याची ताकद”
संपादक अमजद सय्यद 8390088786
