युवा नेतृत्वाचा सन्मान: प्रदेश युवक काँग्रेसच्या सरचिटणीसपदी अभिजित (भैय्या) चव्हाण यांची फेरनिवड
नळदुर्ग (प्रतिनिधी – अझहर शेख ): महाराष्ट्र प्रदेश युवक काँग्रेसच्या नवीन प्रदेश कार्यकारिणीची घोषणा करण्यात आली असून, यामध्ये धाराशिव जिल्ह्यातील धडाडीचे तरुण नेतृत्व अभिजित (भैय्या) चव्हाण यांची प्रदेश सरचिटणीस (महासचिव) पदी पुनर्नियुक्ती करण्यात आली आहे. तळागाळातील कार्यकर्त्याला न्याय देण्याच्या काँग्रेसच्या भूमिकेचे हे एक उत्तम उदाहरण मानले जात आहे.
महत्त्वाची नियुक्ती आणि राष्ट्रीय नेतृत्वाचा विश्वास
महाराष्ट्र प्रदेशाध्यक्ष शिवराज मोरे यांनी १३० सदस्यांची नवीन कार्यकारिणी जाहीर केली. भारतीय युवक काँग्रेसचे राष्ट्रीय प्रभारी मनीष शर्मा, राष्ट्रीय अध्यक्ष उदय भानू चीप, महाराष्ट्र प्रभारी अजय चिंकारा आणि सहप्रभारी नवज्योतसिंग सिद्धू यांच्या मान्यतेने ही घोषणा करण्यात आली आहे.
अभिजित चव्हाण यांनी २०२२ च्या निवडणुकीत संपूर्ण महाराष्ट्रातून सर्वाधिक मताधिक्य मिळवून विजय संपादन केला होता. त्यांच्या याच कामगिरीची दखल घेऊन पक्षाने पुन्हा एकदा त्यांच्या खांद्यावर ही मोठी जबाबदारी सोपवली आहे.
अभिजित चव्हाण यांची उल्लेखनीय कार्ये:
शेतकरी लढा अतिवृष्टीमुळे नुकसान झालेल्या शेतकऱ्यांना अनुदान मिळावे यासाठी शासन दरबारी सातत्याने पाठपुरावा आणि मोर्चांचे आयोजन.
तळागाळातील संपर्क शेतमजूर आणि बेरोजगारांच्या प्रश्नांसाठी सातत्याने सक्रिय.
भारत जोडो यात्रा राहुल गांधी यांच्या ‘भारत जोडो’ अभियानात दोन वेळा सक्रिय सहभाग नोंदवत संघटन कौशल्य सिद्ध केले.
“अभिजीत चव्हाण यांच्या नियुक्तीमुळे युवकांमध्ये नवे चैतन्य निर्माण होईल. आगामी काळात माजी मंत्री अमित (भैय्या) देशमुख, विश्वजित कदम, प्रदेशाध्यक्ष नाना पटोले आणि हर्षवर्धन सपकाळ यांच्या नेतृत्वाखाली काँग्रेसला अधिक बळकटी देण्यासाठी ते नक्कीच मोलाची भूमिका बजावतील,” असा विश्वास कार्यकर्त्यांकडून व्यक्त केला जात आहे.
या निवडीनंतर नळदुर्गसह संपूर्ण जिल्ह्यातून अभिजित चव्हाण यांच्यावर अभिनंदनाचा वर्षाव होत आहे.
लोकमदत न्यूज सत्य शोधून लिहिण्याची ताकद
संपादक अमजद सय्यद 8390088786
