धाराशिव नगरपरिषदेच्या पाणीपुरवठा व जलनिसारण समिती अध्यक्षपदी विलास लोंढे यांची निवड
धाराशिव दि.२४(प्रतिनिधी):धाराशिव नगरपरिषदेवर भारतीय जनता पक्षाने एकहाती सत्ता स्थापन केल्यानंतर आज प्रशासनाच्या वतीने विषय समित्यांच्या निवडीचा कार्यक्रम पार पडला. या निवड प्रक्रियेत शहरामध्ये प्रभाग क्रमांक 20 मधून सर्वाधिक मताधिक्याने विजयी झालेले नवनिर्वाचित नगरसेवक विलास (बापू )लोंढे यांची पाणीपुरवठा व सामान्य समितीच्या अध्यक्षपदी निवड करण्यात आली.
आमदार राणाजगजितसिंह पाटील, भाजपा जिल्हाध्यक्ष दत्ताभाऊ कुलकर्णी तसेच मल्हार पाटील यांचे विश्वासू सहकारी म्हणून ओळख असलेल्या विलास (बापू)लोंढे यांना पहिल्याच कार्यकाळात महत्त्वाची जबाबदारी मिळाल्याने शहरभरातून त्यांचे अभिनंदन होत आहे.
यावेळी बोलताना विलास लोंढे म्हणाले की, धाराशिव शहरातील नागरिकांना सुरळीत, नियमित आणि पुरेसा पाणीपुरवठा मिळावा यासाठी योग्य नियोजन आखण्यात येणार आहे. सर्व सन्माननीय सदस्यांना विश्वासात घेऊन तसेच पाणीपुरवठा विभागातील कर्मचाऱ्यांची स्वतंत्र बैठक घेऊन शहरातील पाणीव्यवस्थेत सुधारणा करण्यासाठी विशेष प्रयत्न करण्यात येतील.
आमदार राणाजगजितसिंह पाटील, भाजपा जिल्हाध्यक्ष दत्ताभाऊ कुलकर्णी व भाजपा शहराध्यक्ष अमित शिंदे यांच्या मार्गदर्शनाखाली शहरातील पाणीपुरवठा व्यवस्था अधिक सक्षम व प्रभावी करण्याचा निर्धार विलास लोंढे यांनी व्यक्त केला आहे.
लोकमदत न्यूज सत्य शोधून लिहिण्याची ताकद
संपादक अमजद सय्यद 390088786
