जिल्हाधिकारी कार्यालय समोरील फक्त माजीमंत्री आ. तानाजी सावंत यांच्या वाढदिवसाचे बॅनर हटविले !
धाराशिव लोकमदत न्यूज
शहरात ठिकठिकाणी राजकीय पक्ष व विविध सामाजिक संघटना यांच्या माध्यमातून वाढदिवस व निवडीच्या शुभेच्छाचे बॅनर लावलेले आहेत. असाच प्रकार माजी मंत्री आमदार प्रा डॉ तानाजीराव सावंत यांच्या वाढदिवसानिमित्त जिल्हाधिकारी कार्यालय प्रवेशद्वारासमोर शिवसेनेचे माजी जिल्हाप्रमुख सूरज साळुंके यांनी शुभेच्छा बॅनर लावले होते. मात्र, नियमांचा बाऊ करीत इतर सर्वांचे बॅनरला धक्का न लावता शिवसेनेचे जिल्हाप्रमुख सुरज साळुंके यांनी लावलेला बॅनर उखडून टाकल्याची घटना दि.१६ मार्च रोजी घडली आहे. विशेष म्हणजे बॅनर लावण्यास कमीत कमी तीन आणि जास्तीत जास्त सात दिवसांची परवानगी असते. मात्र याच परिसरात मागील अनेक दिवसांपासून बॅनर झळकत आहेत. शेवटी बॅनर हे बॅनरच असतात. त्यामुळे सत्ताधाऱ्यांना आणि विरोधी शिवसेनेला दुसरा न्याय हे कोणाच्या सांगण्यावरून नगर परिषदेच्या कर्मचाऱ्यांनी केले आहे ? यावरून संताप व्यक्त होऊ लागला आहे.
धाराशिव शहरात विनापरवानगी बॅनर लावल्यास संबंधितावर कारवाई करण्याचा निर्णय नगर परिषदेच्या पहिल्याच सर्वसाधारण सभेत पारित केलेला आहे. मात्र डिव्हायडरवर असलेल्या विद्युत खांबावरती शुभेच्छा देणारे लहान बॅनर डकवलेले आहेत. मात्र विरोधी असलेल्या शिवसेना (शिंदे) पक्षाच्या आमदाराला वाढदिवसाच्या शुभेच्छानिमित्त लावलेले बॅनर काढून कोणती जबाबदारी निभावली आणि कोणाची शाबासकी मिळविण्यासाठी असे अशोभनीय कृत्य केले आहे. जर बॅनर काढायचे होते तर सर्वांचेच का काढले नाहीत ? असा प्रश्नही या निमित्ताने उपस्थित झाला आहे.
लोकमदत न्यूज सत्य शोधून लिहिण्याची ताकद संपादक अमजद सय्यद,8390088786
