शिवसेना महायुतीच्या कानेगाव गटाच्या सुवर्णा पाटील
यांना दिव्यांग संघटनेचा जाहीर पाठिंबा
धाराशिव दि.६ (प्रतिनिधी) – लोहारा तालुक्यातील कानेगाव जिल्हा परिषद गटातील शिवसेना महायुतीचे अधिकृत उमेदवार सुवर्णा सतीश पाटील यांना प्रहार दिव्यांग संघटना व शिवार्पण दिव्यांग संघटनेच्यावतीने बिनशर्थ पाठिंबा दिला आहे. त्यामुळे सुवर्णा पाटील यांचे पारडे जड झाले आहे.
दिलेल्या पाठिंबा पत्रामध्ये असे नमूद करण्यात आले आहे की, जिल्हा परिषद निवडणुकीसाठी आपण सुवर्णा पाटील उमेदवार म्हणून निवडणूक लढवीत आहात. आपले सामाजिक कार्य, जनतेशी असलेली आपली नाळ व मतदारसंघाच्या विकासासाठी असलेली आपली तळमळ पाहता आपण निश्चितपणे यशस्वी व्हाल, असा आम्हाला पूर्ण विश्वास आहे. आपल्या विजयासाठी आमचे सर्व पदाधिकारी, कार्यकर्ते व समर्थक पूर्ण ताकदीने आपल्या पाठीशी उभे राहतील. आपण निवडून येऊन जनतेची प्रामाणिकपणे सेवा कराल, अशी आम्हाला खात्री असल्याचे नमूद केले आहे. यावर संस्थापक अध्यक्ष तथा जिल्हाध्यक्ष मयुर ज्ञानेश्वर काकडे, जिल्हा संघटक बाळासाहेब कसबे, जिल्हा उपाध्यक्ष बाळासाहेब पाटील, प्रसिद्धी प्रमुख तथा उपाध्यक्ष अभिजीत साळुंके यांच्या सह्या आहेत.
