स्मृती बुद्ध विहार व बहुजन विद्यार्थी व सामाजिक संघटनांकडून कामठा गावाचा तरुण शंभू रोकडे यांची पोलीस दलात नियुक्ती झाल्याबद्दल सत्कार
धाराशिव / लोकमदत न्यूज
तालुक्यातील कामठा गावातील तरुण शंभू रोकडे यांची धाराशिव पोलीस दलात नियुक्ती झाली आहे. त्यांच्या या यशामुळे गावात आनंदाचे वातावरण निर्माण झाले आहे.शंभू रोकडे यांनी कठोर परिश्रम व सातत्यपूर्ण तयारीच्या जोरावर पोलीस भरती प्रक्रियेत यश मिळवले. ग्रामीण भागातून पुढे येत त्यांनी ही कामगिरी केल्यामुळे तरुणांसाठी ते प्रेरणादायी ठरत आहेत.
त्यांच्या नियुक्तीबद्दल कामठा गावातील नागरिक, मित्रपरिवार तसेच नातेवाईकांकडून त्यांचे अभिनंदन करण्यात येत आहे. अनेकांनी त्यांच्या पुढील सेवेसाठी शुभेच्छा व्यक्त केल्या आहेत.शंभू रोकडे यांच्या यशामुळे गावाचे नाव उज्ज्वल झाले असून, इतर तरुणांनीही त्यांच्याकडून प्रेरणा घेऊन स्पर्धा परीक्षांकडे वळावे, अशी अपेक्षा व्यक्त होत आहे.यावेळी स्वराज जानराव, शैलेश गडबडे, गणेश वाघमारे, बलभीम कांबळे, अतुल लष्करे, रवी सुरवसे, मस्के सर, अण्णा उबाळे, हर्षद कोळी, धनंजय वाघमारे, वैभव गायकवाड, बाबासाहेब बनसोडे, सोहम बनसोडे, प्रवीण जगताप, संपतराव शिंदे, रमेश कांबळे, रवींद्र सरवदे, मुकेश मोटे आदी उपस्थित होते.
