पालकमंत्री प्रताप सरनाईक यांचा असा आहेधाराशिव दौरा
धाराशिव लोकविचार
परिवहन मंत्री तथा धाराशिव जिल्ह्याचे पालकमंत्री प्रताप सरनाईक हे १५ ऑगस्ट रोजी धाराशिव जिल्ह्याच्या दौऱ्यावर येणार असून, त्यांच्या दौऱ्याचा अधिकृत कार्यक्रम जिल्हा प्रशासनाकडून जाहीर करण्यात आला आहे.
दौऱ्यानुसार सकाळी ८.४५ वाजता पालकमंत्री धाराशिव येथील शासकीय विश्रामगृहातून मोटारीने जिल्हाधिकारी कार्यालयाकडे रवाना होतील. सकाळी ९.०५ वाजता जिल्हाधिकारी कार्यालयाच्या प्रांगणात भारताच्या स्वातंत्र्य दिनाच्या ८०व्या वर्धापन दिनानिमित्त आयोजित ‘ध्वजारोहणाचा मुख्य शासकीय समारंभा’स ते उपस्थित राहतील.
यानंतर सकाळी ९.४५ वाजता जिल्हाधिकारी कार्यालयात प्रशासकीय विभागाची आढावा बैठक, आगामी शारदीय नवरात्र महोत्सव-२०२६ संदर्भातील बैठक तसेच श्री क्षेत्र तुळजापूर येथील मल्टीस्पेशालिटी हॉस्पिटल संदर्भात आढावा बैठक होणार आहे.
सकाळी ११.२० वाजता छत्रपती शिवाजी महाराज चौक येथे ४५ मीटर उंच स्वराज्य ध्वज उद्घाटन सोहळ्यास पालकमंत्री उपस्थित राहतील. त्यानंतर शिंगोली वनक्षेत्र येथे ‘हरित धाराशिव अभियान २.०’ कार्यक्रमास उपस्थिती देऊन ते गोवर्धनवाडीमार्गे पुढील प्रवास करतील.
दुपारी गोवर्धनवाडी येथे खासदार ओमप्रकाश राजेनिंबाळकर उर्फ पवन राजेनिंबाळकर यांच्या निवासस्थानी सदिच्छा भेटीनंतर पालकमंत्री छत्रपती संभाजी महाराज विमानतळाकडे रवाना होणार आहेत.
लोकविचार सत्य शोधून लिहिण्याची ताकद संपादक अमजद सय्यद 8390088786
