काँग्रेस गटनेते सिद्धार्थ बनसोडे व अक्षय जोगदंड यांचा भाजपमध्ये प्रवेश जिल्हाध्यक्ष दत्ताभाऊ कुलकर्णींच्या हस्ते सत्कार
धाराशिव | लोकमदत न्यूज
धाराशिव नगर परिषदेमधील काँग्रेस पक्षाला मोठा धक्का बसला असून, गटनेते नगरसेवक सिद्धार्थ बनसोडे आणि नगरसेवक अक्षय जोगदंड यांनी काल भारतीय जनता पार्टीत जाहीर प्रवेश केला. भाजपाच्या जनहिताच्या आणि विकासाभिमुख कामांवर विश्वास ठेवून त्यांनी हा निर्णय घेतल्याचे सांगण्यात आले.
या पक्षप्रवेशानंतर भाजप जिल्हाध्यक्ष दत्ताभाऊ कुलकर्णी यांनी नव्याने दाखल झालेल्या नगरसेवकांचा सत्कार करून त्यांना शुभेच्छा देत स्वागत केले. यावेळी त्यांनी बोलताना सांगितले की, “या प्रवेशामुळे धाराशिव शहरात भाजपची संघटनात्मक ताकद अधिक बळकट होईल. आगामी काळात विकासाभिमुख राजकारणाला आणखी गती मिळेल,” अशी आशा त्यांनी व्यक्त केली.
तसेच, नव्याने पक्षात दाखल झालेल्या नगरसेवकांचा अनुभव आणि कार्यक्षमता पक्ष संघटन वाढीसाठी तसेच जनतेच्या हितासाठी उपयोगी पडेल, असा विश्वासही त्यांनी व्यक्त केला. यावेळी दोन्ही नगरसेवकांना पुढील राजकीय वाटचालीस शुभेच्छा देण्यात आल्या.
या प्रसंगी ॲड. नितीन भोसले, बालाजी कोरे, नगरसेवक राहुल काकडे उपस्थित होते.
लोकमदत न्यूज सत्य शोधून लिहिण्याची ताकद
संपादक अमजद सय्यद 8390088786
