धाराशिव (प्रतिनिधी) – भारतीय जनता पक्षाच्या विविध आघाड्यांमध्ये नवचैतन्य निर्माण करत धाराशिव शहर मंडळात नवे पदाधिकारी नियुक्त करण्यात आले आहेत. भारतीय जनता पक्ष एस.टी. मोर्चा धाराशिव शहर मंडल अध्यक्ष म्हणून बापू पवार, एस.सी. मोर्चा शहर मंडल सरचिटणीस म्हणून रॉबिन बगाडे, भारतीय जनता पक्ष धाराशिव शहर मंडल सरचिटणीस म्हणून अभिजीत पतंगे, तर धाराशिव शहर अल्पसंख्यांक मोर्चा शहर मंडल अध्यक्ष म्हणून फरमान काझी यांची निवड करण्यात आली आहे.
ही निवड भारतीय जनता पक्षाचे नेते, मित्राचे उपाध्यक्ष तथा आमदार राणाजगजीत सिंह पाटील यांच्या आदेशान्वये आणि धाराशिव जिल्हाध्यक्ष दत्ताभाऊ कुलकर्णी यांच्या मार्गदर्शनाखाली धाराशिव शहर मंडल अधिकारी (अध्यक्ष) अमित शिंदे यांनी जाहीर केली.
नवनियुक्त पदाधिकाऱ्यांच्या निवडीमुळे शहरातील पक्ष संघटन अधिक बळकट होईल, तसेच सामाजिक, विकासात्मक आणि संघटनात्मक कामांना नवे बळ मिळेल, असा विश्वास पक्षातील वरिष्ठांनी व्यक्त केला आहे. या नियुक्त्या पक्ष संघटनेत नवसंजीवनी ठरणाऱ्या असून, युवकांना प्रोत्साहन देणाऱ्या आहेत.
शहरातील कार्यकर्ते, समर्थक आणि नागरिकांकडून सर्व नवनियुक्त पदाधिकाऱ्यांचे उत्स्फूर्त स्वागत व अभिनंदन करण्यात येत असून, त्यांच्या भावी कार्यासाठी शुभेच्छांचा वर्षाव होत आहे. या नियुक्त्यांमुळे धाराशिव शहरातील भाजप संघटनात्मक कार्यात अधिक वेग येण्याची अपेक्षा व्यक्त होत आहे.
