तिरट मटका जुगार अड्ड्यावर स्थानिक गुन्हे शाखेचा छापा; ३.३४ लाखांचा मुद्देमाल जप्त, माजी नगराध्यक्षासह अनेक जणांविरुद्ध गुन्हा दाखल
धाराशिव लोकविचार
जिल्ह्यातील अवैध धंद्यांविरोधात आक्रमक भूमिका घेत स्थानिक गुन्हे शाखेने पुन्हा एकदा धडाकेबाज कारवाई करत तिरट मटका जुगार अड्ड्यावर छापा टाकला. या कारवाईत रोख रक्कम, मोटारसायकली, मोबाईल व जुगार साहित्य असा एकूण ३ लाख ३४ हजार २० रुपयांचा मुद्देमाल जप्त करण्यात आला असून ११ जणांविरुद्ध महाराष्ट्र जुगार प्रतिबंधक कायदा कलम १२ (अ) अंतर्गत गुन्हा दाखल करण्यात आला आहे.
पोलीस अधीक्षक श्रीमती रितु खोखर व अपर पोलीस अधीक्षक सचिन पांडकर यांच्या मार्गदर्शनाखाली स्थानिक गुन्हे शाखेचे पोलीस निरीक्षक विनोद इज्जपवार हे आपल्या पथकासह अवैध धंद्यांविषयी माहिती काढून कारवाई करण्यासाठी दि. २५ जून २०२६ रोजी गस्त घालत होते.
दरम्यान, शिवाजी चौक, धाराशिव येथे असताना पथकाला गोपनीय माहिती मिळाली की, पाथ्रुड चौक येथील नाझ हॉटेलसमोरील वडारवाडा कमानीच्या आत माजी नगराध्यक्ष विजय मुद्दे यांच्या घरासमोर काही इसम तिरट मटका जुगार खेळत आहेत. माहितीची खातरजमा करून पथकाने नमूद ठिकाणी छापा टाकला.
या कारवाईत तालीम गल्ली, धाराशिव येथील अकलाक शेख, सारोळा ता. जि. धाराशिव येथील प्रभाकर साळुंखे, उंबरे कोठा धाराशिव येथील बाबु ठाकर राठोड, भिमनगर धाराशिव येथील करण वाघमारे, सारोळा (बु.) ता. जि. धाराशिव येथील प्रशांत स्वामी, तालीम चौक धाराशिव येथील शाहेद शेख, बार्शी नाका धाराशिव येथील शेखर शिंदे, खाजानगर धाराशिव येथील समद शेख, पाथ्रुड चौक धाराशिव येथील राजु मुद्दे, सारोळा ता. जि. धाराशिव येथील सागर बाकले, पाथ्रुड चौक धाराशिव येथील विजय मुद्दे हे जुगार खेळत असल्याचे आढळून आले.
यावेळी आरोपींकडून जुगार साहित्य, रोख रक्कम, ३ मोटारसायकली आणि ८ मोबाईल फोन असा एकूण ₹३,३४,०२० किमतीचा मुद्देमाल जप्त करण्यात आला. त्यानंतर सर्वांविरुद्ध धाराशिव शहर पोलीस ठाण्यात महाराष्ट्र जुगार प्रतिबंधक कायदा कलम १२ (अ) अंतर्गत गुन्हा नोंदविण्यात आला आहे.
ही उल्लेखनीय कारवाई पोलीस अधीक्षक श्रीमती रितु खोखर, अपर पोलीस अधीक्षक सचिन पांडकर यांच्या मार्गदर्शनाखाली स्थानिक गुन्हे शाखेचे पोलीस निरीक्षक विनोद इज्जपवार, सपोनि. अमोल मोरे, पोह/ शौकत पठाण, धयानंद गादेकर, बहीराम शिंदे, दत्तात्रय राठोड, जावेद काझी, प्रकाश औताडे, मपोहा/ शोभा बांगर, पोअं/ पुष्कर मुंगळे, चापोहा/ सुभाष चौरे व चापोअं/ शेरखाने यांच्या पथकाने यशस्वीपणे पार पाडली.
लोकविचार सत्य शोधून लिहिण्याची ताकद संपादक अमजद सय्यद 8390088786
