नळदुर्ग येथे ‘अहंकारी वाड्यात’ शिवराज्याभिषेक सोहळा उत्साहात संपन्न!

नळदुर्ग येथे ‘अहंकारी वाड्यात’ शिवराज्याभिषेक सोहळा उत्साहात संपन्न!
शिवराज्याभिषेक हा ‘राष्ट्रीय उत्सव’ म्हणून साजरा व्हावा: विनायक अहंकारी यांची मागणी

नळदुर्ग. प्रतिनिधी अझहर शेख

ऐतिहासिक नळदुर्ग शहरामध्ये छत्रपती शिवाजी महाराज यांचा राज्याभिषेक दिन सोहळा अत्यंत प्रेक्षणीय आणि उत्साही वातावरणात पार पडला. येथील माजी नगरसेवक, सामाजिक कार्यकर्ते आणि कट्टर शिवभक्त विनायक अहंकारी यांच्या निवासस्थानी दरवर्षीप्रमाणे यंदाही या सोहळ्याचे भव्य आयोजन करण्यात आले होते. विनायक अहंकारी हे गेल्या अनेक वर्षांपासून सातत्याने आपल्या निवासस्थानी हा शिवोत्सव साजरा करत असून, यंदाही त्यांच्या संकल्पनेतून करण्यात आलेलीअतिशय देखणी आणि सुंदर सजावट सर्वांचे आकर्षण ठरली होती.
सोहळ्याची सुरुवात छत्रपती शिवाजी महाराजांच्या पुतळ्यास विधिवत दुग्धाभिषेक करून करण्यात आली. जय भवानी, जय शिवाजीच्या जयघोषाने संपूर्ण परिसर दुमदुमून गेला होता. या मंगलमयी प्रसंगी नळदुर्ग शहरातील राजकीय, सामाजिक आणि पत्रकारिता क्षेत्रातील अनेक दिग्गज मान्यवरांनी उपस्थिती लावून शिवरायांना अभिवादन केले,
नगराध्यक्ष बसवराज धरणे माजी नगराध्यक्ष नितीन कासार. आकाश कुलकर्णी.जेष्ठ पत्रकार विलास येडगे, उत्तम बनसगोळे शरद बागल, सरदारसिंह ठाकूर, सुशांत भूमकर, ज्ञानेश्वर घोडके, बलदेवसिंह ठाकूर, नंदकुमार जोशी, वसंत रामदासी, मुकुंद भूमकर, पद्माकर घोडके, श्रमिक पोतदार, सागर हजारे, किशोर जोशी, समीर मोरे, बालाजी कुलकर्णी, मारुती घोडके, पप्पू पाटील, राजेंद्र महाबोले, संतोष वाले, उमेश जाधव, अनिल पाटील, नारायण दोपारे.याप्रसंगी उपस्थितांना संबोधित करताना आयोजक विनायक अहंकारी यांनी शिवराज्याभिषेक दिनाचे ऐतिहासिक आणि सामाजिक महत्त्व विशद केले. छत्रपती शिवरायांचे विचार आणि हा सुवर्णक्षण केवळ एका राज्यापुरता मर्यादित न राहता, शिवराज्याभिषेक हा ‘राष्ट्रीय उत्सव’ म्हणून घोषित झाला पाहिजे आणि तो देशपातळीवर साजरा केला पाहिजे,अशी आग्रही मागणी त्यांनी यावेळी केली.हा सोहळा भव्य आणि यशस्वी करण्यासाठी विनायक अहंकारी यांच्यासोबत उमेश नाईक, प्रमोद कुलकर्णी, संतोष नाईक, प्रदीप ग्रामोपाध्ये, संदीप वैद्य, राजकुमार वैद्य, अजय देशपांडे, सन्नी भूमकर, सदानंद नाईक, सौरभ रामदासी, नंदकुमार पोतदार, निधी नाईक आणि मयूर जोशी यांनी अहोरात्र परिश्रम घेतले.नळदुर्ग शहरातील या उपक्रमाचे आणि अहंकारी परिवाराच्या शिवभक्तीचे सर्व स्तरांतून कौतुक होत आहे.

लोकविचार सत्य शोधून लिहिण्याची ताकद संपादक अमजद सय्यद 8390088786