सांजा येथील युवानेते सिद्दीक तांबोळी यांची युवासेना जिल्हा सरचिटणीसपदी नियुक्ती… शिवसेनेच्या युवक संघटनात नवचैतन्य
धाराशिव लोकमदत न्यूज
सांजा येथील शिवसेना (उद्धव बाळासाहेब ठाकरे) पक्षाचे सक्रिय, निष्ठावंत व जनसंपर्क असलेले युवानेते सिद्दीक तांबोळी यांची युवासेनेच्या जिल्हा सरचिटणीसपदी नियुक्ती करण्यात आली आहे. या नियुक्तीमुळे तालुका तसेच जिल्हा पातळीवर युवासेनेच्या संघटनात्मक कार्याला नवे बळ मिळणार असून, युवकांमध्ये उत्साहाचे वातावरण निर्माण झाले आहे.
ही नियुक्ती खासदार ओमराजे निंबाळकर, आमदार कैलास पाटील तसेच शिवसेना सहसंपर्कप्रमुख तथा माजी नगराध्यक्ष मकरंद राजेनिंबाळकर यांच्या प्रमुख उपस्थितीत पार पडली. पक्ष नेतृत्वाने सिद्दीक तांबोळी यांच्या सामाजिक बांधिलकीची, युवकांमध्ये असलेल्या लोकप्रियतेची तसेच पक्षासाठी सातत्याने केलेल्या कामगिरीची दखल घेत ही महत्त्वाची जबाबदारी त्यांच्यावर सोपवली आहे.
या प्रसंगी सांजा परिसरातील विविध समाजघटकांतील नागरिक, युवक, शिवसैनिक व पदाधिकारी मोठ्या संख्येने उपस्थित होते. तांबोळी यांच्या निवडीमुळे परिसरात आनंदोत्सवाचे वातावरण पाहायला मिळाले असून, विशेषतः युवकांमध्ये नवचैतन्य निर्माण झाले आहे.
सिद्दीक तांबोळी यांनी यापूर्वी अनेक सामाजिक उपक्रम, युवक प्रश्नांवरील आंदोलने, जनहिताच्या मागण्या तसेच पक्ष संघटन बळकट करण्यासाठी मोलाची भूमिका बजावली आहे. त्यांच्या अनुभवाचा व कार्यक्षमतेचा उपयोग युवासेनेच्या संघटनात्मक विस्तारासाठी निश्चितच लाभदायक ठरेल, असा विश्वास पक्ष नेत्यांनी व्यक्त केला आहे.
या नियुक्तीमुळे शिवसेना (उद्धव बाळासाहेब ठाकरे) पक्षाच्या युवक संघटनेला नवी दिशा मिळणार असून, आगामी काळात युवासेनेचे कार्य अधिक गतिमान, प्रभावी व लोकाभिमुख होईल, अशी आशा कार्यकर्त्यांमधून व्यक्त केली जात आहे.
लोकमदत न्यूज सत्य शोधून लिहिण्याची ताकद
संपादक अमजद सय्यद 8390088786
