मल्हार पाटील यांच्या मार्गदर्शनाखाली जगदंबा मंदिरात दर्शन, नारळ वाढवून प्रभाग क्रमांक ६ मध्ये प्रचाराचा शुभारंभ
सौ.नेहा काकडे, अभिजीत पतंगे आणि गायत्री दंडनाईक यांच्या रॅलीला नागरिकांचा उत्स्फूर्त प्रतिसाद
धाराशिव (प्रतिनिधी):धाराशिव नगर परिषदेच्या निवडणुकीच्या पार्श्वभूमीवर नगराध्यक्ष पदाच्या उमेदवार सौ. नेहा राहुल काकडे, प्रभाग ६ अ चे उमेदवार अभिजीत पतंगे आणि प्रभाग ६ ब च्या उमेदवार सौ. गायत्री दंडनाईक यांच्या प्रचाराचा शुभारंभ नारळ वाढवून आणि देवीदर्शन करून भव्यदिव्य पद्धतीने संपन्न झाला.
उंबरे कोठा येथील श्री जगदंबा देवी मंदिरात दर्शन घेऊन उमेदवारांनी प्रभागाच्या सर्वांगीण विकासाची ग्वाही दिली. दर्शनानंतर भव्य प्रचार रॅली काढण्यात आली. या रॅलीत उमेदवारांनी नागरिकांशी प्रत्यक्ष संवाद साधत स्थानिक गरजांवर चर्चा केली आणि विकासाच्या दिशा ठरवण्याचा संकल्प व्यक्त केला.
रॅलीला मोठ्या संख्येने नागरिक, युवक आणि महिला भगिनी उपस्थित होत्या. या महत्त्वपूर्ण प्रचार मोहिम मल्हार पाटील यांच्या मार्गदर्शनाखाली निघाली, भारतीय जनता पक्षाचे जिल्हाध्यक्ष दत्ताभाऊ कुलकर्णी यांनी उपस्थिती लावून उमेदवारांना शुभेच्छा दिल्या. तसेच ही संपूर्ण रॅली शिस्तबद्ध आणि उत्साहपूर्ण वातावरणात पार पडली.
या प्रचार सोहळ्यात सतीश दंडनाईक, नितीन भोसले, अमित शिंदे आदी मान्यवर सहभागी झाले होते. स्थानिक नागरिकांच्या उत्साहपूर्ण सहभागामुळे प्रभाग ६ अ आणि ६ ब मधील निवडणुकीचे वातावरण आणखी रंगतदार झाले असून भक्कम विकासाच्या नावाने विश्वासाची लढत आकार घेत असल्याचे चित्र दिसत आहे.
लोकमदत न्यूज सत्य शोधून लिहिण्याची ताकद
संपादक अमजद सय्यद 8390088786
