स्कॉडा कारची काच फोडून दीड लाखांची चोरी स्थानिक गुन्हे शाखेकडून आरोपी जेरबंद
तुळजापूर लोकविचार
तुळजापूर येथील घाटशिळ पार्किंग परिसरात उभी असलेल्या स्कॉडा स्लाविया कारची काच फोडून दीड लाख रुपये रोख रक्कम व महत्त्वाची कागदपत्रे चोरणाऱ्या आरोपीला स्थानिक गुन्हे शाखेने अटक केली आहे.
गोवा येथील नागराज सदानंद मडीवाळ यांनी 19 जुलै रोजी दिलेल्या फिर्यादीनुसार, त्यांच्या कारमधील पर्समध्ये ठेवलेली ₹1.50 लाखांची रोख रक्कम व कागदपत्रे अज्ञात चोरट्याने लंपास केली होती. याप्रकरणी तुळजापूर पोलीस ठाण्यात भारतीय न्याय संहिता कलम 303(2) अंतर्गत गुन्हा दाखल करण्यात आला होता.
पोलीस अधीक्षक श्रीमती रितू खोखर व अपर पोलीस अधीक्षक सचिन पांडकर यांच्या मार्गदर्शनाखाली स्थानिक गुन्हे शाखेचे पोलीस निरीक्षक विनोद इज्जपवार यांच्या पथकाने गोपनीय माहितीच्या आधारे मनोज महादेव धोत्रे (रा. वेताळ नगर, तुळजापूर) याला ताब्यात घेतले. चौकशीत आरोपीने चोरीची कबुली दिल्यानंतर त्याच्याकडून चोरीतील काही मुद्देमाल पंचासमक्ष जप्त करण्यात आला.
जप्तीची कार्यवाही पोलीस उपनिरीक्षक थोटे यांनी केली असून आरोपीला पुढील तपासासाठी तुळजापूर पोलीस ठाण्याच्या ताब्यात देण्यात आले आहे.
लोकविचार सत्य शोधून लिहिण्याची ताकद संपादक अमजद सय्यद 083900 88786
