अमली पदार्थविरोधी टास्क फोर्सची मोठी कारवाई…परंड्यात 57 हजारांच्या अमली पदार्थ पदार्थासह एकाला अटक
नळदुर्ग लोकविचार प्रतिनिधी अझहर शेख
अमली पदार्थविरोधी कृती दलाने (ANTF) परंडा शहरात धाडसी कारवाई करत सुमारे 57 हजार 200 रुपयांचा अवैध अमली पदार्थांचा साठा जप्त केला असून, एका संशयितास अटक करण्यात आली आहे.
दि. 15 जून 2026 रोजी अमली पदार्थविरोधी कृती दल, छत्रपती संभाजीनगर यांना गुप्त बातमीदारामार्फत माहिती मिळाली होती की, परंडा शहरातील शासकीय रुग्णालयाच्या पाठीमागील परिसरात एक इसम अमली पदार्थांच्या गोळ्यांची विक्री करीत आहे. या माहितीच्या आधारे संबंधित पथकाने दोन पंच व अन्न व औषध प्रशासनाच्या निरीक्षकांना सोबत घेऊन सापळा रचला.मिळालेल्या माहितीची खात्री झाल्यानंतर सायंकाळच्या सुमारास शाहिद सादिक शेख (रा. परंडा) याच्यावर छापा टाकण्यात आला.
त्याची पंचांसमक्ष झडती घेतली असता त्याच्याकडून विविध प्रकारच्या अमली व प्रतिबंधित औषधी गोळ्या आढळून आल्या.झडतीदरम्यान नायट्राझेपाम घटक असलेल्या 15 गोळ्या किंमत 6 हजार रुपये, इतर प्रतिबंधित घटक असलेल्या 10 गोळ्या किंमत 4 हजार रुपये तसेच आणखी एका प्रकारच्या प्रतिबंधित घटकांच्या 93 गोळ्या किंमत 37 हजार 200 रुपये असा साठा जप्त करण्यात आला.
याशिवाय एक विवो कंपनीचा मोबाईल फोनही जप्त करण्यात आला. एकूण 57 हजार 200 रुपयांचा मुद्देमाल पोलिसांनी ताब्यात घेतला.सदर इसम हा अमली पदार्थांच्या गोळ्या विक्री करण्याच्या उद्देशाने बाळगत असल्याचे निष्पन्न झाल्याने पोलीस निरीक्षक गीता बागवडे यांनी पंच व अन्न व औषध प्रशासनाच्या अधिकाऱ्यांसमक्ष संपूर्ण मुद्देमाल जप्त करून आरोपीसह परंडा पोलीस ठाण्यात हजर केले.
याप्रकरणी सहाय्यक फौजदार वाहेद मुल्ला यांच्या फिर्यादीवरून परंडा पोलीस ठाण्यात गुन्हा रजिस्टर क्रमांक 390/2026 अन्वये एनडीपीएस कायद्याच्या कलम 8(क), 22(अ) तसेच औषधे व सौंदर्यप्रसाधने अधिनियमाच्या कलम 18(क) अंतर्गत गुन्हा दाखल करण्यात आला आहे.
ही कारवाई अमली पदार्थविरोधी टास्क फोर्सच्या पोलीस महानिरीक्षक ज्योतीप्रिया सिंह, पोलीस अधीक्षक अजित टिके व उपविभागीय पोलीस अधिकारी साईनाथ ठोंबरे यांच्या मार्गदर्शनाखाली पोलिस निरीक्षक गीता बागवडे, पोलीस उपनिरीक्षक प्रदीप ठाकूर, सहाय्यक पोलीस उपनिरीक्षक वाहेद मुल्ला, हनुमान पुरके, पोलीस हवालदार सुरेश राऊत, नागेश केंद्रे, निलेश सरपाळे, हरिश्चंद्र मुंढे व ज्योती कीर्तीकर यांच्या पथकाने केली.
लोकविचार सत्य शोधून लिहिण्याची ताकद संपादक अमजद सय्यद 8390088786
