स्थानिक गुन्हे शाखेची धाराशिव शहरात मोठी कारवाई आठवडी बाजार परिसरातून चोरीच्या मोटारसायकलसह आरोपी जेरबंद
धाराशिव लोकविचार
दि. 04 जून 2026 रोजी स्थानिक गुन्हे शाखेच्या पथकाने पेट्रोलिंगदरम्यान मिळालेल्या गोपनीय माहितीच्या आधारे धडाकेबाज कारवाई करत चोरीची मोटारसायकलसह आरोपीस ताब्यात घेण्यात यश मिळवले आहे.
स्थानिक गुन्हे शाखेचे पथक पेट्रोलिंग करत असताना धाराशिव शहर हद्दीत पोलीस ठाणे परिसरात कारवाई सुरू होती. यावेळी पथकास गोपनीय बातमीदारामार्फत माहिती मिळाली की, एक इसम चोरीची मोटारसायकल बाळगून आठवडी बाजार परिसर, धाराशिव येथे थांबलेला आहे.
माहितीच्या आधारे पथकाने तात्काळ घटनास्थळी जाऊन संशयित इसमास ताब्यात घेतले. चौकशीदरम्यान त्याने आपले नाव अशिष उर्फ संतोष शंकर पारेकर असे सांगितले. त्याच्याकडे असलेल्या मोटारसायकलबाबत विचारणा केली असता, सदर दुचाकी ही चार महिन्यांपूर्वी समर्थनगर, धाराशिव येथून चोरी केल्याची कबुली त्याने दिली.
यानंतर पथकाने अंदाजे 20,000 रुपये किंमतीची चोरीची मोटारसायकल जप्त करून आरोपीस पुढील कारवाईसाठी आनंदनगर पोलीस ठाणे यांच्या ताब्यात दिले.
ही कारवाई पोलिस अधीक्षक रितू खोखर आणि अपर पोलीस अधीक्षक सचिन पांडकर यांच्या मार्गदर्शनाखाली पार पडली. तसेच स्थानिक गुन्हे शाखेचे पोलीस निरीक्षक विनोद इज्जपवार यांच्या आदेशानुसार ही यशस्वी कारवाई करण्यात आली.
सदरील कारवाई सपोनि अमोल मोरे ,पोहेकॉ बळीराम शिंदे, अमोल चव्हाण, राहुल नाईकवाडी, म,पो,ह शोभा बांगर तसेच चालक पोलीस अंमलदार विनायक दहीहंडे यांच्या पथकाने केली.
स्थानिक गुन्हे शाखेच्या या कारवाईमुळे परिसरातील दुचाकी चोरीच्या गुन्ह्यांवर आळा बसण्यास मदत होणार असून, नागरिकांमध्ये पोलिसांबाबत विश्वास अधिक दृढ झाल्याचे चित्र दिसत आहे.
लोकविचार सत्य शोधून लिहिण्याची ताकद संपादक अमजद सय्यद 8390088786
