महसूल विभागाने कारवाईचा बडगा उगारताच अवैध मुरूम वाहतूक ठप्प!”“शहरातील हायवा गायब
महसूल प्रशासनाच्या धडक कारवाईमुळे अवैध मुरुमू उत्खननाला लागला ब्रेक
धाराशिव लोकविचार
धाराशिव शहरासह तालुक्यात सुरू असलेल्या अवैध मुरूम वाहतुकीवर प्रशासनाने कारवाईचा बडगा उगारताच अनेक ठिकाणी अवैध वाहतूक पूर्णपणे ठप्प झाल्याचे चित्र दिसून येत आहे.धाराशिव शहरासह तालुक्यात दिवसाढवळ्या धावणारे टिप्पर आणि हायवा अचानक गायब झाल्याने नागरिकांमध्येही आश्चर्य व्यक्त केले जात आहे. विशेष म्हणजे, शहरालगत सुरू असलेले अनेक अवैध उत्खननाचे ठिकाणे सध्या ओस पडल्याचे दिसत असून, महसूल विभागाच्या धडक कारवाईची भीती मुरूम उत्खनन करणाऱ्यांवर निर्माण झाल्याची चर्चा सुरू आहे.कौडगाव परिसरातील कारवाईनंतर प्रशासनाने वैराग रोड, तुळजापूर रोड, सांजा रोड, एमआयडीसी परिसर, वरुडा रोड तसेच बार्शी रोड परिसरात महसूल विभागाच्या हालचाली वाढल्याने अवैध वाहतूक करणाऱ्यांनी वाहने जागेवरच थांबवल्याची माहिती समोर येत आहे.गेल्या काही दिवसांपासून नागरिकांकडून सातत्याने होत असलेल्या तक्रारीनंतर महसूल प्रशासन अधिक सक्रिय झाल्याचे चित्र आहे. प्रशासनाने घेतलेल्या कठोर भूमिकेमुळे अवैध मुरूम उत्खनन करणाऱ्यांनि धास्ती घेतली असून, अनेक ठिकाणी रात्री सुरू असणारी वाहतूकही बंद झाल्याचे सांगितले जात आहे.तहसीलदार डॉ. मृणाल जाधव यांच्या मार्गदर्शनाखाली विशेष पथके अधिक सतर्क झाली असून, शहरातील प्रमुख मार्गांवर अचानक तपासणी मोहीम राबवली जात असल्याने मुरूम उत्खनन करणाऱ्यांमध्ये मोठी खळबळ उडाली आहे.नागरिकांकडूनही आता प्रशासनाच्या या कारवाईचे स्वागत केले जात आहे.
लोकविचार — सत्य शोधून लिहिण्याची ताकदसंपादक : अमजद सय्यद
