नळदुर्ग शहरात ‘ईद-उल-अजहा’ उत्साहात साजरी; पोलीस प्रशासनाकडून मुस्लीम बांधवांना शुभेच्छा!ईदगाह मैदानावर हजारोंच्या उपस्थितीत सामूहिक नमाज; शांतता व बंधुभावासाठी विशेष प्रार्थना
नळदुर्ग :प्रतिनिधी अझहर शेख
त्याग, श्रद्धा, बंधुता आणि मानवतेचा संदेश देणारा पवित्र ‘ईद-उल-अजहा’ (बकरी ईद) सण आज नळदुर्ग शहरात अत्यंत उत्साहात आणि धार्मिक वातावरणात पार पडला. या निमित्ताने शहरातील मुख्य ईदगाह मैदानावर हजारो मुस्लीम बांधवांनी एकत्र येत सामूहिक नमाज पठण केले. देशामध्ये शांतता, समृद्धी आणि बंधुभाव टिकून राहावा, यासाठी यावेळी विशेष प्रार्थना करण्यात आली.आजसकाळपासूनच मुस्लीम बांधवांमध्ये मोठा उत्साह पाहायला मिळत होता. नवीन वस्त्रे परिधान करून अबालवृद्धांनी नळदुर्ग येथील ऐतिहासिक ईदगाह मैदानावर हजेरी लावली. मौलवी यांच्या मार्गदर्शनाखाली सामूहिक नमाज अदा करण्यात आली. नमाज पठणानंतर सर्वांनी एकमेकांना आलिंगन देऊन ‘ईद मुबारक’ म्हणत सणाच्या शुभेच्छा दिल्या. लहान मुलांचा आनंद तर विशेष पाहण्यासारखा होता.सण शांततेत आणि सुव्यवस्थेत पार पडण्यासाठी नळदुर्ग पोलीस प्रशासनाने चोख बंदोबस्त ठेवला होता. नमाज पठणानंतरअपरपोलिस अधीक्षक सचिन भांडकर व नळदुर्ग पोलीस ठाण्याच्या पोलीस अधीक्षका,मेघना मॅडम यांनी स्वतः ईदगाह मैदानावर उपस्थित राहून मुस्लीम बांधवांची भेट घेतली आणि त्यांना पवित्र ईदच्या मनापासून शुभेच्छा दिल्या.नळदुर्ग शहरात नेहमीच सर्व सण सामाजिक सलोखा आणि एकोप्याने साजरे केले जातात. आजचा ईदचा सणही तितक्याच पवित्र आणि उत्साही वातावरणात पार पडला,” अशा भावना यावेळी उपस्थित पोलीस अधिकाऱ्यांनी व्यक्त केल्या. यावेळी शहरातील विविध क्षेत्रांतील सामाजिक आणि राजकीय कार्यकर्त्यांनीही ईदगाह मैदानावर येऊन मुस्लीम बांधवांना शुभेच्छा दिल्या. घरोघरी गोड शिरखुर्माचा आस्वाद घेत कुर्बानीची प्रथा पूर्ण करण्यात आली. प्रशासनाचे सहकार्य आणि नागरिकांचा समजूतदारपणा यामुळे नळदुर्ग शहरात सणाचा उत्साह द्विगुणित झाला होता. संपूर्ण परिसरात आनंदाचे आणि बंधुभावाचे वातावरण पाहायला मिळाले.
लोकविचार — सत्य शोधून लिहिण्याची ताकद संपादक : अमजद सय्यद 8390088786
