नळदुर्ग नगरपरिषदेमार्फत प्रभाग क्र. ९ मध्ये जन्म-मृत्यू नोंदणी अभियान संपन्न
नळदुर्ग (प्रतिनिधी) अझहर शेख
नळदुर्ग नगरपरिषदेच्या वतीने शहरात राबविण्यात येत असलेल्या विशेष उपक्रमांतर्गत, प्रभाग क्रमांक ९ मधील भवानीनगर, रहिमनगर आणि रणे प्लॉटिंग या भागात ‘जन्म व मृत्यू नोंदणी अभियान’ उत्साहात पार पडले. स्थानिक नगरसेवक शशिकांत पांडू पुदाले यांच्या विशेष पुढाकारातून आणि मार्गदर्शनाखाली हे अभियान यशस्वीरित्या राबविण्यात आले. जन्म आणि मृत्यूची वेळेत नोंदणी करणे ही काळाची गरज आहे. अनेकदा कागदपत्रांच्या अभावी नागरिकांना विविध शासकीय योजनांपासून वंचित राहावे लागते. हीच अडचण ओळखून नगरसेवक शशिकांत पुदाले यांनी आपल्या प्रभागातील नागरिकांसाठी या विशेष मोहिमेचे आयोजन केले होते. यावेळी परिसरातील नागरिकांनी उत्स्फूर्त प्रतिसाद देत आपल्या नोंदी व आवश्यक कागदपत्रांची पूर्तता केली.हे अभियान यशस्वी करण्यासाठी नगरपरिषदेच्या कर्मचाऱ्यांनी परिश्रम घेतले. यामध्ये रोहित राजेंद्र नाईकवाडी, उमर बागवान आणि अण्णा जाधव यांनी प्रत्यक्ष उपस्थित राहून नागरिकांचे अर्ज स्वीकारणे, नोंदी तपासणे आणि तांत्रिक कामे पूर्ण करण्याची जबाबदारी चोख पार पाडली.या मोहिमेमुळे प्रभाग ९ मधील नागरिकांनी समाधान व्यक्त केले असून, प्रलंबित असलेले नोंदणीचे प्रश्न मार्गी लागण्यास मदत झाली आहे. प्रशासनाच्या वतीने अशाच प्रकारे लोकहितार्थ कामे सुरू राहतील, असा विश्वास यावेळी व्यक्त करण्यात आला.
लोकविचार सत्य शोधून लिहिण्याची ताकद संपादक अमजद सय्यद 8390088786
