मत मोजणीमुळे शासकीय आयटीआय मार्ग वाहतुकीसाठी बंद रुग्णसेवा, निवडणूक वाहने व इतर अत्यावश्यक सेवेसाठी खुला
धाराशिव – लोकमदत न्यूज
धाराशिव तालुक्यातील जिल्हा परिषद व पंचायत समिती निवडणुकीची मत मोजणी प्रक्रिया सोमवार दि.९ फेब्रुवारी रोजी धाराशिव शहरातील शासकीय औद्योगिक प्रशिक्षण संस्था (आरटीआय) मध्ये होणार आहे. त्यामुळे या ठिकाणी वाहतुकीची कोंडी होऊ नये यासाठी पोलिस अधीक्षक रितू खोखर यांच्या आदेशानुसार या वाहतूक मार्गात बदल करण्यात आला आहे. त्यामुळे वाहनधारकांनी आपली वाहने पर्यायी मार्गानी घेऊन जावेत असे निर्देश दिले आहेत. मात्र, रुग्ण, निवडणुकीशी संबंधित व पोलीस वाहनांना यातून वळविण्यात आले आहे.
दिलेल्या आदेशात असे नमूद करण्यात आले आहे की, ज्याअर्थी उपविभागीय पोलीस अधिकारी, उपविभाग, धाराशिव यांनी दि८ फेब्रुवारीच्या अहवालात सादर केले आहे की, जिल्हा परिषद व पंचायत समिती निवडणुकीसाठीची मत मोजणी दिनांक ९ फेब्रुवारी रोजी धाराशिव येथील शासकीय औद्योगिक प्रशिक्षण संस्थेत मत मोजणी होणार आहे. मत मोजणी ठिकणी येणाऱ्या उमेदवारांच्या सोबत त्यांचे समर्थक, कार्यकर्ते, वाहने हे मोठ्या संख्येने उपस्थित असण्याची शक्यता नाकारता येत नाही, अशा वेळी वाहतुकीची कोंडी होऊ नये. तसेच मत मोजणी निकाल ऐकण्यासाठी येणाऱ्या लोकांच्या सुरक्षिततेच्या दृष्टीने कोणत्याही प्रकारचा अपघात होऊन कायदा व सुव्यवस्थेचा प्रश्न निर्माण होऊ नये यासाठी मत मोजणी ठिकाणा समोरुन जवळून, मार्गे होणारी वाहतूक अन्य मार्गाने वळविणे आवश्यक असल्याचे पोलीस अधीक्षक रितू खोखर यांच्या निदर्शनास आणून दिले आहे.
त्यामुळे पोलीस अधीक्षक रितु खोखर यांना प्राप्त असलेल्या महाराष्ट्र पोलीस अधिनियम १९५१ चे कलम ३३ (१) (ब) अन्वये अधिकाराचा वापर करुन मत मोजणी निकाल ऐकण्यासाठी येणाऱ्या लोकांच्या सुरक्षीततेच्या कारणावरुन दि. ९ फेब्रुवारी रोजी सकाळी ६ वाजल्यापासून ते मत मोजणी प्रक्रिया पूर्ण होईपर्यंत खालील प्रमाणे वाहतूक मार्गात बदल करण्याचे निर्देशित दिले आहेत.
धाराशिव जिल्हा परिषद व पंचायत समिती निवडणूक मत मोजणी अनुषंगाने वाहतूक मार्गात बदल. सर्व प्रकारच्या वाहनास वाहतुकीस मनाई बाबत धाराशिव ते शासकीय औद्योगिक प्रशिक्षण संस्था (आयटीआय) मार्गे तुळजापूरकडे जाणाऱ्या वाहतुकीस पथ क्रमण करण्यास जुना तुळजापूर नाका धाराशिव (मोरया हॉस्पीटल) ते शासकीय आयुर्वेदीक महाविद्यालय, राजमाता अहिल्यादेवी होळकर चौक या दरम्यान मनाई करण्यात आली आहे. तुळजापूर ते शासकीय औद्योगिक प्रशिक्षण संस्था (आयटीआय) मार्गे धाराशिवकडे येणाऱ्या वाहतुकीस पथ क्रमण करण्यास शासकीय आयुर्वेदीक महाविद्यालय, राजमाता अहिल्यादेवी होळकर चौक ते जुना तुळजापूर नाका धाराशिव (मोरया हॉस्पीटल) या दरम्यान मनाई करण्यात आली आहे. या मार्गावरील वाहने खालील प्रमाणे मार्गक्रमण करतील, धाराशिव ते शासकीय औद्योगिक प्रशिक्षण संस्था (आयटीआय)कडे जाणारी वाहतूक धाराशिव बस स्थानक ते भावानी चौक (सांजा चौक) ते तुळजापूरकडे पथ क्रमण करतील. किंवा तुळजापूर नाका टी पॉईंट ते गावसुद ते पोहनेर ते अपसिंगा मार्गे ते तुळजापूरकडे पथ क्रमण करतील. तर तुळजापूर ते शासकीय औद्योगिक प्रशिक्षण संस्था (आयटीआय) मार्गे धाराशिवकडे येणारी वाहतूक शासकीय आयुर्वेदीक महाविद्यालय, राजमाता अहिल्यादेवी होळकर चौक ते भावानी चौक (सांजा चौक) ते बस स्थानक मार्गे धाराशिवकडे पथ क्रमण करतील. तसेच
वरील बंधने ही पोलीस, रूग्ण सेवा, अग्निशमन दलाची वाहने, अत्यावश्यक सेवेतील व निवडणुकीच्या अनुषंगाने वापरात असलेल्या शासकीय वाहनांना लागू राहणार नाहीत. त्यामुळे वरील बंधनांचे उल्लंघन केल्यास संबंधितांवर महाराष्ट्र पोलीस अधिनियम १९५१ चे कलम १३१ अन्वये कारवाई करण्यात येईल याची सर्व संबंधितांनी नोंद घ्यावी, असे आदेश पोलिस अधीक्षक रितू खोखर यांनी दिले आहेत.
लोकमदत न्यूज सत्य शोधून लिहिण्याची ताकद
संपादक अमजद सय्यद 8390088786
