धाराशिव नगरपरिषद निवडणुकीत भाजपकडून युवा चेहरा पुढे नेहा राहुल काकडे नगराध्यक्षपदासाठी आघाडीवर!
ओबीसी महिला राखीव जागेत नेहा काकडे यांच्यावर शिक्कामोर्तब होण्याची शक्यता महायुतीत एकमत!
धाराशिव (प्रतिनिधी) :
धाराशिव नगरपरिषद सार्वत्रिक निवडणूक 2025 साठी नगराध्यक्षपद ओबीसी महिलांसाठी राखीव असल्याने राजकीय वातावरण तापले आहे. या निवडणुकीत नगराध्यक्षपदासाठी अनेक इच्छुकांचे नावे समोर येत आहेत. मात्र विश्वसनीय सूत्रांच्या माहितीनुसार, भारतीय जनता पक्षाकडून या प्रतिष्ठेच्या नगराध्यक्षपदासाठी नेहा राहुल काकडे यांच्या नावावर शिक्कामोर्तब होण्याची शक्यता अत्यंत प्रबळ मानली जात आहे.
माजी नगरसेवक सुनंदा हरिभाऊ काकडे यांच्या सुनबाई व भारतीय जनता युवा मोर्चाचे धाराशिव जिल्हाध्यक्ष युवा नेते राहुल काकडे यांच्या सौभाग्यवती नेहा काकडे यांचे नाव पक्षात तसेच महायुतीमध्ये चर्चेत असून विश्वसनीय सूत्रांनी दिलेल्या माहितीनुसार, धाराशिव नगरपरिषदेतील भाजपला ही जागा सुटणार असून त्यासाठी काकडे यांचे नाव जवळजवळ निश्चित मानले जात आहे.
नेहा काकडे यांच्या निवडीमागे अनेक घटक कारणीभूत आहेत. राहुल काकडे यांचा संपूर्ण शहरातील दांडगा जनसंपर्क, नगरसेवकपदाचा अनुभव, प्रभागातील अनेक विकासकामे त्यांची प्रत्येक मतदारांपर्यंत असलेली मजबूत पकड व त्यांच्या वडिलांचा शहरातील औद्योगिक प्रभाव, तसेच त्यांची पक्षावरील एकनिष्ठता आणि पक्षाच्या वरिष्ठ नेत्यांशी असलेले सलोख्याचे संबंध या सर्व गोष्टींचा विचार करून पक्षश्रेष्ठीने त्यांच्यावर विश्वास दाखवला असल्याचे सांगण्यात येत आहे.
विश्वसनीय सूत्रांनुसार, महायुतीच्या घटक पक्षांकडूनही नेहा काकडे यांच्या नावाला कोणताही विरोध नाही. उलटपक्षी, जिल्हा आणि शहर पातळीवरील अनेक पदाधिकाऱ्यांनी त्यांच्या नावाला सहमती दर्शवली आहे. आमदार राणाजगजितसिंह पाटील, माजी आमदार सुजितसिंह ठाकूर, भाजप जिल्हाध्यक्ष दत्ताभाऊ कुलकर्णी, भाजपा नेते नितीन काळे, जिल्हा परिषदेच्या माजी उपाध्यक्षा अर्चनाताई पाटील, शहराध्यक्ष अमित शिंदे यांच्या मार्गदर्शनाखाली पक्षाने धोरणात्मक बैठकांमध्ये या विषयावर सकारात्मक चर्चा केली असल्याची माहिती खात्रीशीर सूत्रांकडून मिळाली आहे.
मल्हार राणाजगजितसिंह पाटील यांच्या नेतृत्वाखाली राहुल काकडे यांची सक्रियता आणि पक्षातील संघटनात्मक कामकाज लक्षात घेऊन पक्षात त्यांच्या कुटुंबावर विश्वास ठेवण्यात आला असल्याचे देखील बोलले जात आहे. या सर्व घडामोडींमुळे नेहा काकडे या भाजपच्या अधिकृत नगराध्यक्ष पदाच्या उमेदवार म्हणून जाहीर होण्याची शक्यता अधिक बळावली आहे.
जर भाजपकडून नेहा काकडे यांच्या नावावर अधिकृत शिक्कामोर्तब झाले, तर धाराशिव नगरपरिषदेच्या इतिहासात प्रथमच एक युवा महिला नगराध्यक्ष म्हणून त्यांना मान मिळणार आहे. उर्मिलाताई गजेंद्रगडकर यांच्या नंतर पुन्हा एकदा महिला नेतृत्व शहराच्या विकासाची धुरा सांभाळणार असल्याची शक्यता राजकीय वर्तुळात चर्चेचा विषय ठरली आहे.
विश्वसनीय सूत्रांनुसार, भारतीय जनता पक्षाच्या अधिकृत उमेदवार म्हणून नेहा राहुल काकडे यांच्या नावाची घोषणा लवकरच भाजप कार्यालयातून होणार आहे. या घोषणेनंतर धाराशिवमधील राजकीय समीकरणे नव्या दिशेने वळण्याची शक्यता आहे.
लोकमदत न्यूज सत्य शोधून लिहिण्याची ताकद
संपादक अमजद सय्यद 8390088786
