पालकमंत्री प्रताप सरनाईक यांच्या हस्ते जुनोनीगावचे उप सरपंच इरशाद शेख यांचा शिवसेनेत प्रवेश
इरशाद शेख यांच्या प्रवेशाने ग्रामीण भागात शिवसेनेला नवं बळ – पालकमंत्री सरनाईक यांचा विश्वास
धाराशिव : जिल्ह्यातील जुनोनी ग्रामपंचायतीचे उपसरपंच व युवा नेतृत्व म्हणून ओळख असलेले इरशाद शेख यांनी आज शिवसेनेचा भगवा हाती घेत औपचारिक प्रवेश केला. मुंबई येथे झालेल्या या प्रवेश सोहळ्याला राज्याचे परिवहन मंत्री तथा धाराशिव जिल्ह्याचे पालकमंत्री प्रतापराव सरनाईक उपस्थित होते.
ग्रामीण भागातील जनतेशी असलेला दांडगा संपर्क, सामाजिक कार्यातील निष्ठा आणि विकासासाठीची त्यांची सातत्यपूर्ण धडपड पाहता इरशाद शेख यांच्या प्रवेशामुळे शिवसेनेच्या ग्रामीण संघटनेला नवं बळ मिळेल, असा विश्वास पालकमंत्री सरनाईक यांनी व्यक्त केला. त्यांनी शेख यांचे मनःपूर्वक स्वागत करत, “शिवसेनेच्या विचारधारेनुसार लोकसेवा हेच खरे राजकारण आहे. इरशाद शेख यांच्यासारखे तरुण पक्षात येत असल्याने पक्षाची जनाधार वाढेल,” असेही ते म्हणाले.
या प्रसंगी युवासेना धाराशिव जिल्ह्याचे लखन गायकवाड, अक्षय गरड तसेच राज्य आंदोलन समन्वयक आणि शिक्षक सेना राज्य उपाध्यक्ष अॅड. तुकाराम शिंदे उपस्थित होते.
इरशाद शेख यांनी या वेळी बोलताना सांगितले की, “गावोगावी विकासकामांसाठी झटणे, दुर्लक्षित घटकांना न्याय मिळवून देणे आणि युवाशक्तीला राजकारणाच्या मुख्य प्रवाहात आणणे हे माझे उद्दिष्ट आहे. शिवसेनेच्या माध्यमातून जनतेची सेवा अधिक प्रभावीपणे करता येईल.”
त्यांच्या पक्षप्रवेशानंतर जुनोनीसह परिसरातील कार्यकर्त्यांमध्ये उत्साहाचे वातावरण निर्माण झाले आहे. ग्रामीण भागातील तरुणांमध्ये इरशाद शेख यांचा वाढता प्रभाव आणि त्यांचा असलेला दांडगा जनसंपर्क पाहता शिवसेनेला या भागात निश्चितच नवे बळ मिळेल, अशी प्रतिक्रिया स्थानिक कार्यकर्त्यांकडून व्यक्त होत आहे.
लोकमदत न्यूज सत्य शोधून लिहिण्याची ताकद संपादक अमजद सय्यद 8390088786
