नळदुर्ग महाविद्यालयात डॉ. बाबासाहेब आंबेडकर जयंतीनिमित्त ‘वाचन संकल्प’ व ‘ग्रंथ प्रदर्शन’ उत्साहात
नळदुर्ग लोकमदत् न्यूज (प्रतिनिधी अझहर शेख):
डॉ. बाबासाहेब आंबेडकर मराठवाडा विद्यापीठ आणि कला, विज्ञान व वाणिज्य महाविद्यालय नळदुर्ग यांच्या संयुक्त विद्यमाने, भारतरत्न डॉ. बाबासाहेब आंबेडकर यांच्या जयंतीचे औचित्य साधून ग्रंथालय विभागाच्या वतीने ‘वाचन संकल्प’ आणि ‘ग्रंथ प्रदर्शनाचे’ भव्य आयोजन करण्यात आले,
कार्यक्रमाची सुरुवात डॉ. बाबासाहेब आंबेडकर आणि महात्मा ज्योतिबा फुले यांच्या प्रतिमेच्या पूजनाने करण्यात आली. यावेळी महाविद्यालयाचे प्राचार्य डॉ. सुभाष राठोड हे अध्यक्षस्थानी होते. प्रमुख पाहुणे म्हणून उपप्राचार्य डॉ. अशोक कदम, डॉ. शिवाजी घोडके, डॉ. दीपक जगदाळे, डॉ. हंसराज जाधव आणि ग्रंथपाल डॉ. सुभाष जोगदंडे यांची प्रमुख उपस्थिती होती.
प्राध्यापक आणि विद्यार्थ्यांनी वाचनाची गोडी जोपासण्यासाठी आणि ज्ञानाचा वारसा पुढे नेण्यासाठी ‘वाचन संकल्प’ करण्याची शपथ घेतली. महाविद्यालयाच्या या उपक्रमामुळे विद्यार्थ्यांच्या बौद्धिक क्षमतेत वाढ होण्यास निश्चितच मदत होणार आहे, असा विश्वास यावेळी व्यक्त करण्यात आला.
ग्रंथ प्रदर्शनाचा कालावधी व आवाहन
ग्रंथालयाच्या वतीने मांडण्यात आलेले हे प्रदर्शन ११ ते १९ एप्रिल या कालावधीत सर्वांसाठी खुले राहणार आहे. या प्रदर्शनाचा लाभ महाविद्यालयातील विद्यार्थ्यांनी तसेच गावातील वाचक प्रेमींनी मोठ्या संख्येने घ्यावा, असे आवाहन महाविद्यालय प्रशासनाच्या वतीने करण्यात आले आहे.
या सोहळ्याला महाविद्यालयातील विविध विभागांचे प्राध्यापक व कर्मचारी यांच्यासह डॉ. पी. एस. गायकवाड, डॉ. तुळशीराम दबडे, डॉ. लक्ष्मण थिटे.डॉ. सावते, डॉ. एस. यू. मिटकर, डॉ. यू. एन. भाले.डॉ. संतोष पवार, डॉ. वाघमारे, विजय सुरवसे.
सचिन गायकवाड, हामेद काझी व मोठ्या संख्येने विद्यार्थी उपस्थित होते.कार्यक्रमाचे सूत्रसंचालन डॉ. संतोष पवार यांनी तर उपस्थितांचे आभार ग्रंथपाल डॉ. सुभाष जोगदंडे यांनी मानले.
कार्यक्रमाचे सूत्रसंचालन डॉ. संतोष पवार यांनी तर उपस्थितांचे आभार ग्रंथपाल डॉ. सुभाष जोगदंडे यांनी मानले.
लोकमदत न्यूज सत्य शोधून लिहिण्याची ताकद संपादक अमजद सय्यद 8390088786
