जिल्हाधिकारी यांच्या आदेशाला केराची टोपली – परवाना रद्द केला तरी गौरी व कालिका कला केंद्र चालु , छमछम रात्रभर सुरु, प्रशासन सील कधी करणार
धाराशिव –
धाराशिवचे जिल्हाधिकारी किर्ती किरण पुजार यांनी गौरी व कालिका कला केंद्राचा परवाना कायमस्वरूपी रद्द केला असला तरी ते प्रत्यक्षात सुरुच आहेत. जिल्हाधिकारी यांनी दिलेल्या आदेशाला केराची टोपली दाखवत हे केंद्र मोठ्या हिमतीने सुरु असुन रात्रभर छम छमचा नाद सुरु आहे. पिंजरा कला केंद्राबाबतीतही असाच प्रकार झाला होता, पिंजरा परवाना रद्द करून ही ते सुरु होते. आदेश फक्त कागदावर असेच सुरु असुन सर्रास कलाकेंद्र सुरु असुन बंद खोलीत डीजे लावुन नियमांचा भंग सुरु आहे. पालकमंत्री जिल्हाधिकारी पोलिस अधीक्षक यांनी कारवाई करूनही ते प्रत्यक्षात सुरु आहेत.
‘लोकमदत’णे बातमी लावल्यावर प्रशानाने पंचनामा करून पिंजरा कला केंद्र सील ठोकले. गौरी व कालिका यांना आदेश देऊनही सील न ठोकणाऱ्या अधिकारी यांच्यावर जिल्हाधिकारी यांनी कारवाई करावी अशी मागणी होत आहे. जिल्हाधिकारी यांच्या आदेशाला या 2 केंद्रानी एक प्रकारे आव्हान दिले आहे. काही केले तरी आमचे प्रशासन काही करू शकत नाही, केंद्र बंद करू शकत नाही असे दिसते. केंद्र खुलेआम सुरु असताना त्याकडे पोलिस विभागाचा कानाडोळा आहे.
अनेक नियम मोडले तरी काही वाकडे होत नसल्याने मुजोरी वाढली आहे. स्टेज नसताना कला केंद्र खुले आम सुरु आहे. जिल्हाधिकारी यांनी आदेश दिले तरी खालची यंत्रणा मॅनेज आहे हे यावरून दिसते. तात्काळ सील करण्याची मागणी होत असुन याच्यावर वरदहस्त कोणाचा असा प्रश्न समोर आला आहे.
लोकमदत न्यूज सत्य लिहिण्याची ताकद
संपादक अमजद सय्यद 8390088786
