धाराशिव लोकसभा मतदारसंघातील विविध पक्षांच्या पदाधिकारी, कार्यकर्त्यांचा शिवसेनेत प्रवेश
उपमुख्यमंत्री एकनाथ शिंदे यांच्या हस्ते पक्षप्रवेश; अखिल भारतीय श्रमिक महासंघाच्या पदाधिकाऱ्यांसह काँग्रेसचे माजी जिल्हा परिषद सदस्य व स्थानिक लोकप्रतिनिधींचा समावेश
धाराशिव | लोकविचार
धाराशिव लोकसभा मतदारसंघातील विविध भागांतील राजकीय पदाधिकारी, कार्यकर्ते आणि स्थानिक लोकप्रतिनिधींनी उपमुख्यमंत्री तथा शिवसेनेचे मुख्य नेते एकनाथ शिंदे यांच्या उपस्थितीत शिवसेनेत जाहीर प्रवेश केला.
खासदार ओमप्रकाश राजे निंबाळकर यांच्या मार्गदर्शनाखाली झालेल्या या पक्षप्रवेशात अखिल भारतीय श्रमिक महासंघ, महाराष्ट्र राज्याच्या पदाधिकाऱ्यांसह काँग्रेसचे माजी जिल्हा परिषद सदस्य, सरपंच, माजी उपसरपंच आणि ग्रामपंचायत सदस्यांचा समावेश आहे.
हिंदुहृदयसम्राट बाळासाहेब ठाकरे आणि धर्मवीर आनंद दिघे यांच्या विचारांनी प्रेरित होऊन तसेच शिवसेना मुख्य नेते तथा उप मुख्यमंत्री एकनाथ शिंदे यांच्या नेतृत्वावर विश्वास ठेवून शिवसेनेत प्रवेश केल्याचे पक्षप्रवेशाच्या वेळी नमूद करण्यात आले आहे.
या पक्षप्रवेशात अखिल भारतीय श्रमिक महासंघाचे महाराष्ट्र राज्य उपाध्यक्ष नंदकुमार मनाळे, सचिव सुहास साका, खजिनदार रवी पवार, मराठवाडा संघटक राजाराम चंदनशिवे, जिल्हाध्यक्ष राजेश सय्यद, जिल्हा उपाध्यक्ष अशोक नाईकनवरे व बाळासाहेब माळी, तालुकाध्यक्ष संतोष यादव, प्रमुख पदाधिकारी बबन चव्हाण, सोलापूर जिल्हाध्यक्ष आशाताई बनसोडे, तसेच बाळासाहेब तुपसुंदर, अविनाश कांबळे आणि किरणकुमार आवटे यांनी शिवसेनेत प्रवेश केला. बबन चव्हाण यांचा सोलापूर जिल्हाध्यक्ष म्हणूनही उल्लेख करण्यात आला आहे.
तुळजापूर तालुक्यातील शहापूर जिल्हा परिषद गटातील विविध राजकीय पदाधिकारी व कार्यकर्त्यांनीही यावेळी शिवसेनेत प्रवेश केला. त्यामध्ये काँग्रेसचे माजी जिल्हा परिषद सदस्य अझरभाई मुजावर, निलेगावचे सरपंच शंकर अविनाश जमादार, केशेगावचे माजी उपसरपंच गणेश लक्ष्मण कांबळे, ग्रामपंचायत सदस्य मेहबूब फकीर, शिवशंकर हादरे, हारूनभाई शेख, दादा भोपळे, अफसर शेख, रामराजे पाटील, सतीश बागडे, इटकळचे माजी सरपंच दयानंद गायकवाड आणि युनूस मकानदार यांचा समावेश आहे.
उपमुख्यमंत्री एकनाथ शिंदे यांनी सर्व प्रवेशकर्त्यांचे शिवसेना परिवारात स्वागत करून त्यांच्या पुढील राजकीय व सामाजिक वाटचालीस शुभेच्छा दिल्या.
या प्रवेशामुळे धाराशिव लोकसभा मतदारसंघातील पक्षाच्या संघटनात्मक कामात नव्या पदाधिकारी व कार्यकर्त्यांचा सहभाग वाढेल, अशी अपेक्षा पक्षाकडून व्यक्त करण्यात आली.
या कार्यक्रमाला ऋषिकेश मगर, धाराशिव नगर परिषदेचे माजी शहरप्रमुख तथा माजी गटनेते सोमनाथ आप्पा गुरव, सुजित हंगरकर, प्रतीक रोचकरी, सह्याद्री राजे निंबाळकर, विश्वजीत गुरव, शंकर बप्पा सूर्यवंशी, मालोजी सूर्यवंशी, गफूर शेख आदी मान्यवर उपस्थित होते.
लोकविचार सत्य शोधून लिहिण्याची ताकद संपादक अमजद सय्यद











