SIR नोंदणीच्या गोंधळात काँग्रेसचे नेते अजहर खान पठाण आणि नगरसेविका उजमा सबा पठाण यांचा पुढाकार प्रभाग १८ मध्ये सर्वाधिक नोंदणी!
धाराशिव लोकविचार
राज्यात सध्या सुरू असलेल्या SIR नोंदणी प्रक्रियेदरम्यान अनेक ठिकाणी नागरिकांचा गोंधळ, गर्दी आणि गैरसोयीचे चित्र पाहायला मिळत आहे. अशा परिस्थितीत धाराशिव शहरातील प्रभाग क्रमांक १८ मध्ये काँग्रेसच्या नगरसेविका पठाण उजमा सबा अजहर खान आणि काँग्रेस नेते अजहर खान पठाण यांनी पुढाकार घेत नागरिकांसाठी स्वतंत्र नोंदणी सुविधा उपलब्ध करून दिली आहे.
त्यांच्या या उपक्रमामुळे प्रभाग क्रमांक १८ मध्ये शहरातील सर्वाधिक SIR नोंदणी झाल्याची माहिती समोर येत आहे.
नागरिकांची गैरसोय टाळण्यासाठी अजहर खान पठाण यांनी खाजा नगर होमगार्ड कार्यालय समोर आपल्या संपर्क कार्यालयातच BLO अधिकाऱ्यांच्या समन्वयाने स्वतंत्र व्यवस्था उभी केली. नोंदणीसाठी येणाऱ्या नागरिकांना आवश्यक मार्गदर्शन, कागदपत्रांची पडताळणी आणि अर्ज भरण्यासाठी स्वयंसेवकांची टीम कार्यरत ठेवण्यात आली. त्यामुळे नागरिकांना तासन्तास रांगेत उभे राहण्याची वेळ येत नाही आणि नोंदणी प्रक्रिया अधिक सुलभ झाली.
या उपक्रमाला प्रभागातील नागरिकांनी उत्स्फूर्त प्रतिसाद दिला असून अनेकांनी या सुविधेबद्दल समाधान व्यक्त केले.
नागरिकांची वाढती गर्दी लक्षात घेऊन कार्यालयात दिवसभर नोंदणीची प्रक्रिया सुरळीतपणे पार पाडण्यात आली.
या कार्याची दखल घेत काँग्रेस पक्षाचे जिल्हाध्यक्ष उमेश राजेनिंबाळकर यांनी पठाण यांच्या संपर्क कार्यालयाला भेट देऊन संपूर्ण व्यवस्थेची पाहणी केली. नागरिकांच्या सोयीसाठी उभारण्यात आलेल्या या उपक्रमाचे त्यांनी विशेष कौतुक करत पक्षाच्या वतीने अजहर खान पठाण व नगरसेविका उजमा सबा पठाण यांच्या कार्याचे अभिनंदन केले.
या नोंदणी मोहिमेत हाफीज शेख, रिजवान शेख, सय्यद इरशाद, शकीब शेख, परवेज शेख, शाहरूख पठाण, साजीद सय्यद आणि आरेफ मुलानी यांनी अजहर खान पठाण यांच्या मार्गदर्शनाखाली नागरिकांना मोलाचे सहकार्य केले. त्यांच्या समन्वयातून नोंदणी प्रक्रिया वेगाने आणि शिस्तबद्ध पद्धतीने पूर्ण होत असल्याने प्रभागातील नागरिकांकडून समाधान व्यक्त केले जात आहे.
लोकविचार सत्य शोधून लिहिण्याची ताकद संपादक अमजद सय्यद 083900 88786
