मल्हार पाटील यांच्या वाढदिवसानिमित्त १,४०० विद्यार्थ्यांना शालेय साहित्याचे वाटप

मल्हार पाटील यांच्या वाढदिवसानिमित्त १,४०० विद्यार्थ्यांना शालेय साहित्याचे वाटप

धाराशिव लोकविचार

भाजपा युवा नेतृत्व मल्हार पाटील यांच्या वाढदिवसानिमित्त शनिवारी (२७ जून) महिला व बालकल्याण विभाग आणि शिक्षण विभाग यांच्या संयुक्त विद्यमाने शहरातील छत्रपती शिवाजी महाराज नाट्यगृहात भव्य शालेय साहित्य वितरण कार्यक्रम आयोजित करण्यात आला. या कार्यक्रमात नगर परिषदेच्या शाळा क्रमांक १ ते २६ मधील सुमारे १,४०० विद्यार्थ्यांना शालेय साहित्याचे वाटप करण्यात आले.कार्यक्रमाच्या अध्यक्षस्थानी जिल्हा परिषद अध्यक्षा अर्चना पाटील होत्या. युवा नेते मल्हार पाटील यांच्या हस्ते विद्यार्थ्यांना शालेय साहित्याचे वितरण करण्यात आले. कार्यक्रमाला विद्यार्थ्यांसह त्यांच्या पालकांचीही मोठ्या संख्येने उपस्थिती होती.यावेळी नगराध्यक्षा नेहा काकडे, महिला व बालकल्याण सभापती तथा कार्यक्रमाच्या आयोजक वैशाली सुशांत सोनवणे, शिक्षण सभापती प्रवीण माळी, गटनेते अमित शिंदे, उपनगराध्यक्ष अक्षय ढोबळे, नगरसेवक राहुल काकडे, इंद्रजीत देवकते, सतीश कदम, सिद्धार्थ बनसोडे, अक्षय जोगदंड, गणेश घोडके, दिपाली पाटील, अलका पारवे, राजकन्या अडसूळ, राणी पवार, बापू पवार, बांधकाम सभापती अभिजीत काकडे, पाणीपुरवठा सभापती विलास लोंढे, सुशांत सोनवणे तसेच नगर परिषदेच्या सर्व शाळांचे मुख्याध्यापक, शिक्षक व शिक्षकेतर कर्मचारी उपस्थित होते.कार्यक्रमाचे सूत्रसंचालन वैशाली आव्हाड व लोमटे सर यांनी केले. तर कार्यक्रमाचे आभार प्रदर्शन आयोजक सभापती वैशाली सुशांत सोनवणे यांनी मानले. कार्यक्रम उत्साहपूर्ण वातावरणात संपन्न झाला.

लोकविचार सत्य शोधून लिहिण्याची ताकद संपादक अमजद सय्यद 8390088786