संघर्ष योद्धा मनोजदादा जरांगे पाटील यांची इरफान कुरेशी यांनी घेतली सदिच्छा भेट मुस्लिम समाजाच्या प्रश्नांवर सकारात्मक चर्चा
धाराशिव | लोकमदत न्यूज
आंतरवाली सराटी येथे संघर्ष योद्धा मनोजदादा तरंगे पाटील यांची कुरेशी समाजाचे नेते तथा समाजसेवक इरफान भाई कुरेशी यांनी सदिच्छा भेट घेतली. या भेटीत विविध सामाजिक विषयांसह मुस्लिम समाजाच्या प्रलंबित मागण्यांवर सविस्तर चर्चा करण्यात आली असल्याची माहिती सूत्रांनी दिली.
समाजातील विविध घटकांना एकत्र आणत त्यांच्या अडचणी शासनापर्यंत पोहोचवण्यासाठी इरफान कुरेशी सातत्याने प्रयत्नशील आहेत. त्यांच्या नेतृत्वाखाली मुस्लिम समाजाच्या प्रश्नांना न्याय मिळवून देण्यासाठी ठोस पावले उचलली जात असून, ही भेट त्याच दिशेने एक सकारात्मक पाऊल मानली जात आहे.
यावेळी शिक्षण, रोजगार, मूलभूत सुविधा आदी विषयांवर चर्चा झाल्याचे समजते. समाजाच्या सर्वांगीण विकासासाठी एकत्रित प्रयत्न करण्याची गरज व्यक्त करण्यात आली.
इरफान कुरेशी यांचे समाजकार्य आणि लोकांप्रती असलेली बांधिलकी लक्षात घेता, त्यांच्या पुढाकारामुळे आगामी काळात मुस्लिम समाजाच्या प्रश्नांना निश्चितच गती मिळेल, असा विश्वास व्यक्त केला जात आहे.
लोकमदत न्यूज सत्य शोधून लिहिण्याची ताकद
संपादक अमजद सय्यद 8390088786
