युवासेना उपसचिव मनिषा वाघमारे धाराशिव जिल्हा परिषद निवडणुक लढविणार! — सामाजिक बांधिलकी आणि जनतेचा विश्वास ठेऊन तरुण नेतृत्वाची नवी दिशा!
धाराशिव (प्रतिनिधी):
कसबे तडवळे येथील युवासेनेच्या उपसचिव तथा महाराष्ट्र राज्य कार्यकारिणी सदस्या मनिषा वाघमारे या आगामी धाराशिव जिल्हा परिषदेच्या निवडणुकीत उतरण्याची तयारी करत असून त्यांच्या उमेदवारीकडे संपूर्ण जिल्ह्याचे लक्ष लागले आहे.
शिवसेना (उद्धव बाळासाहेब ठाकरे) युवासेनेच्या माध्यमातून कार्यरत असलेल्या मनिषा वाघमारे यांची ओळख केवळ धाराशिव जिल्ह्यातच नव्हे तर राज्यभरात आणि राष्ट्रीय स्तरावर सुद्धा झाली आहे. सामाजिक भान असलेले आणि जनतेशी थेट जोडलेले नेतृत्व म्हणून त्यांचा लौकिक निर्माण झाला आहे.
कोरोना संकट काळात आणि पूरपरिस्थितीत मनिषा वाघमारे यांनी स्वतः गावोगाव फिरून पूरग्रस्त आणि गरजू नागरिकांपर्यंत मदतीचा हात पोहोचवला. तसेच कौशल्य विकास योजनेच्या माध्यमातून सुशिक्षित बेरोजगार युवक-युवतींना प्रशिक्षण देऊन पुणे-मुंबईसह विविध ठिकाणी नोकरीच्या संधी उपलब्ध करून दिल्या.
युवासेनेच्या माध्यमातून त्यांनी जिल्ह्यात व राज्यात खेडोपाडी युवांचे संघटन उभे केले असून, समाजाभिमुख कार्यांमुळे त्यांना तरुण वर्गाचा मोठा पाठिंबा मिळत आहे. सुशिक्षित आणि सामाजिक बांधिलकी असलेले नेतृत्व म्हणून मनिषा वाघमारे जिल्हा परिषदेच्या निवडणुकीत उतरणार असल्याने सर्वसामान्य जनतेच्या अपेक्षा उंचावल्या आहेत.
पक्षप्रमुख उद्धव बाळासाहेब ठाकरे यांच्या मार्गदर्शनाखाली आणि स्थानिक नेत्यांच्या सल्ल्यानुसार मनिषा वाघमारे यांनी निवडणुकीची तयारी सुरू केली असून, धाराशिव जिल्ह्यात नवे, सुशिक्षित व प्रामाणिक महिला नेतृत्व उदयास येत असल्याचे ग्रामीण भागातील नागरिकांतून बोलले जात आहेत.
लोकमदत न्यूज सत्य शोधून लिहिण्याची ताकद
संपादक अमजद सय्यद 8390088786
