युवानेते नरसिंह मेटकरी यांची राष्ट्रवादी काँग्रेस शहर कार्याध्यक्षपदी निवड
धाराशिव | लोकमदत न्यूज
धाराशिव शहरात राष्ट्रवादी काँग्रेस (शरदचंद्र पवार गट) पक्षांमध्ये नवसंजीवनी देणारा महत्त्वपूर्ण निर्णय घेण्यात आला असून, युवानेते नरसिंह लक्ष्मण मेटकरी यांची शहर कार्याध्यक्षपदी नियुक्ती करण्यात आली आहे. त्यांच्या निवडीमुळे पक्ष संघटनेत नवचैतन्य निर्माण होण्याची अपेक्षा व्यक्त केली जात आहे.
या नियुक्तीचे पत्र प्रदेशाध्यक्ष तथा माजी मंत्री शशिकांत शिंदे यांच्या हस्ते प्रदान करण्यात आले. यावेळी जिल्हाध्यक्ष डॉ. प्रतापसिंह पाटील, गटनेते खलिफा कुरेशी, शहराध्यक्ष तथा नगरसेवक बबलूभाई शेख यांच्यासह नगरसेवक इस्माईल शेख, पंकज भोसले, एजाज काजी, सुनील आंबेकर, अशोक देवकते, विशाल शिंगाडे, सरफराज कुरेशी आदी मान्यवर उपस्थित होते.
नरसिंह मेटकरी हे युवकांमध्ये लोकप्रिय आणि संघटन कौशल्यासाठी ओळखले जाणारे नेतृत्व मानले जाते. त्यांच्या खांद्यावर शहर कार्याध्यक्षपदाची जबाबदारी सोपविण्यात आल्याने धाराशिव शहरात पक्ष बळकटीकरणासाठी मोठी चाल मानली जात आहे.
या निवडीबद्दल उपस्थित सर्व मान्यवरांनी मेटकरी यांचे अभिनंदन करून पुढील वाटचालीस शुभेच्छा दिल्या. युवकांना सोबत घेऊन पक्षाची विचारधारा तळागाळापर्यंत पोहोचविण्याची जबाबदारी आता मेटकरी यांच्यावर सोपविण्यात आली आहे.
राष्ट्रवादी काँग्रेस पक्षाने युवा नेतृत्वावर विश्वास दाखवत दिलेली ही संधी येणाऱ्या काळात शहरातील राजकारणात सकारात्मक बदल घडवेल, असा विश्वास व्यक्त होत असून, धाराशिव शहरात पक्षाला नवसंजीवनी मिळण्याची चिन्हे दिसत आहेत.
लोकमदत न्यूज सत्य शोधून लिहिण्याची ताकद
संपादक अमजद सय्यद 8390088786
