अंबेजवळगेच्या मेहर पठाण यांची पहिल्याच प्रयत्नात महाराष्ट्र पोलीस दलात निवड आ. कैलास पाटील यांच्या हस्ते सत्कार
धाराशिव | लोकमदत न्यूज
धाराशिव तालुक्यातील अंबेजवळगे येथील सौ. मेहर अरबाज पठाण यांची महाराष्ट्र पोलीस (धाराशिव पोलीस) दलात निवड झाल्याबद्दल गावात आनंदाचे वातावरण निर्माण झाले आहे. या उल्लेखनीय यशानिमित्त आयोजित सत्कार समारंभात आमदार कैलास पाटील यांच्या हस्ते त्यांचा सन्मान करण्यात आला.
मेहर पठाण यांनी जिद्द, चिकाटी आणि अथक परिश्रमांच्या बळावर पोलीस दलात स्थान मिळवले आहे. त्यांची ही कामगिरी केवळ वैयक्तिक यशापुरती मर्यादित नसून संघर्ष, ध्येयवेड आणि आत्मविश्वासाचे प्रेरणादायी उदाहरण ठरली आहे. त्यांच्या या यशामुळे अंबेजवळगे गावाच्या शिरपेचात मानाचा तुरा रोवला गेला असून, अनेक तरुण-तरुणींना स्वप्ने पूर्ण करण्यासाठी नवी दिशा मिळणार आहे.
समारंभात मेहर पठाण व त्यांच्या कुटुंबीयांचा ग्रामस्थांच्या उपस्थितीत सत्कार करण्यात आला. यावेळी आमदार कैलास पाटील यांनी त्यांचे अभिनंदन करत पुढील सेवेसाठी शुभेच्छा दिल्या. तसेच पोलीस दलातील कर्तव्य बजावताना प्रामाणिकपणा, निष्ठा आणि समाजसेवेची भावना जपावी, असे आवाहनही त्यांनी केले.
या कार्यक्रमाला सुमन सातपुते, वैष्णवी राऊत, सातपुते सर, आदित्य पवार, रियाज शेख, विक्रम पाटील, राणा बनसोडे, राजेसाहेब देशमुख, नवनाथ राऊत, कलीम शेख, गफूर शेख, विधाते बापू, दयानंद थोरात, आबा सरडे, सर्जेराव चांदणे, नितीन कोळेकर, रियाज सय्यद, मोहन गुरव आदींसह ग्रामस्थ मोठ्या संख्येने उपस्थित होते.
लोकमदत न्यूज सत्य शोधून लिहिण्याची ताकद
संपादक अमजद सय्यद 8390088786
