आ. प्रा. डॉ. तानाजीराव सावंत यांच्या उपस्थितीत जवळा जि.प. गट प्रचार सभा उत्साहात संपन्न
शिवसेना उमेदवारांना प्रचंड बहुमताने विजयी करण्याचे आ. सावंत यांचे आवाहन
लोकमदत न्यूज
परंडा तालुक्यातील शिवसेना पक्षाच्या जवळा जिल्हा परिषद गटाचे अधिकृत उमेदवार रमेश उत्तम कारकर, जवळा पंचायत समिती गणाच्या उमेदवार सौ. राधिका शिवाजी जाधव तसेच सिरसाव पंचायत समिती गणाचे उमेदवार परसु चंद्रकांत गवारे यांच्या प्रचारार्थ माजी मंत्री तथा आमदार प्रा. डॉ. तानाजीराव सावंत यांच्या प्रमुख उपस्थितीत जाहीर सभा मोठ्या उत्साहात पार पडली.
यावेळी आमदार सावंत यांनी उपस्थित जनसमुदाय व कार्यकर्त्यांना मार्गदर्शन करत शिवसेना उमेदवारांच्या विजयासाठी एकजुटीने काम करण्याचे आवाहन केले. “भूम-परंडा-वाशी तालुक्याच्या सर्वांगीण विकासासाठी आणि उज्ज्वल भविष्यासाठी शिवसेना पक्षाच्या उमेदवारांना प्रचंड बहुमताने विजयी करा,” असे ते म्हणाले.
पुढे बोलताना आ. सावंत यांनी सांगितले की, “ही निवडणूक केवळ उमेदवार निवडण्यापुरती मर्यादित नसून, आपल्या गावाच्या, गटाच्या व गणाच्या भवितव्याची दिशा ठरवणारी आहे. जनतेशी नाळ जोडलेले, कर्तव्यदक्ष व सक्षम नेतृत्व निवडून देणे गरजेचे आहे. येत्या ७ फेब्रुवारी रोजी ‘धनुष्यबाण’ या चिन्हासमोरील बटण दाबून शिवसेना उमेदवारांना भरघोस मतांनी विजयी करा.”
या सभेला शिवसेना जिल्हाप्रमुख दत्ता अण्णा साळुंखे, युवा नेते मेघराज दादा पाटील, शिवसेना महिला आघाडी परंडा तालुका प्रमुख सारिकाताई अंधारे, पै. विशाल नाना देवकर यांच्यासह शिवसेना पक्षाचे पदाधिकारी, शिवसैनिक व स्थानिक ग्रामस्थ मोठ्या संख्येने उपस्थित होते. सभेमुळे परिसरात शिवसेना उमेदवारांच्या प्रचाराला नवसंजीवनी मिळाल्याचे चित्र दिसून आले.
“सत्य शोधून लिहिण्याची ताकद”
संपादक अमजद सय्यद 8390088786
