दि.21.08.2025 रोजी वीरेंद्र मिश्र विशेष पोलीस महानिरीक्षक छत्रपती संभाजी नगर परिक्षेत्र यांनी धाराशिव पोलीस अधीक्षक कार्यालय येथे भेट देऊन जिल्ह्यातील कायदा व व्यवस्था आणि पोलिसी कामकाजाबाबत आढावा घेतला. तसेच उत्कृष्ट कामगिरी बद्दल आढावा मीटिंग च्या वेळी निलेश देशमुख, उप विभागीय पोलीस अधिकारी, तुळजापूर, विनोद इजबवर पोलीस निरीक्षक स्थानिक गुन्हे शाखा धाराशिव, सहा पोलीस निरीक्षक नामदेव मद्ये, पोलीस ठाणे तुळजापूर, पोलीस निरीक्षक रविंद्र खांडेकर, सहा पोलीस निरीक्षक तात्याराव भालेराव, पोलीस ठाणे तुळजापूर, सहाय्यक पोलीस निरीक्षक सचिन खटके, स्थानिक गुन्हे शाखा, सहा पोलीस निरीक्षक गणेश पाटील पोलीस ठाणे बेंबळी, सहा पोलीस निरीक्षक गोरक्षनाथ खरड पोलीस ठाणे अंबी, महिला पोलीस उपनिरीक्षक श्रीमती अनघा गोडगे, भरोसा सेल, श्रीमती पुनम ढोगरे, वरिष्ठ श्रेणी लिपीक पो. अ.का.धाराशिव, साफौ/ देवेंद्रनाथ मारुती राऊत, भरोसा सेल, धाराशिव, पोलीस हावलदार डी. के. कवटे, ए.व्ही कंदले,अनैतिक मानवी वाहतुक कक्ष, धाराशिव यांचे प्रशस्ती पत्रक देऊन अभिनंदन करण्यात आले. तसेच मालाविषयक व शरीराविरुध्दचे उघडकीस न आलेले गुन्हे जास्ती जास्त प्रमाणात उघडकीस आणणे बाबत योग्य त्या सुचना दिल्या. आर्टीफिशियल इंटेलिजन्स (AI) चा वापर करुन गुन्ह्याच्या तपास कामी आरोपीच्या शोध कामी योग्य तो वापर करण्या बाबत सुचना दिल्या. तसेच अवैध धंद्यावर जास्तीत जास्त कारवाया करण्या बाबत सुचना दिल्या. तसेच आगामी काळातील सण उत्सवा निमीत्त पोलीस विभागाकडून करावयाच्या कर्तव्याबाबत योग्य मार्गदर्शन केले. सदर मिटींगला पोलीस अधीक्षक श्रीमती शफकत आमना आणि धाराशिव पोलीस घटकातील सर्व उपविभागीय पोलीस अधिकारी आणि सर्व पोलीस स्टेशनचे प्रभारी अधिकारी उपस्थित होते.
