धाराशिव स्थानिक गुन्हे शाखेची मोठी कामगिरी : मोटारसायकल चोरी व वाहनातून माल चोरणारे दोन चोरटे जेरबंद – २ लाखांहून अधिक मुद्देमाल हस्तगत
धाराशिव दि.०६(प्रतिनिधी): धाराशिव जिल्हा स्थानिक गुन्हे शाखेने पुन्हा एकदा धडाकेबाज कारवाई करून दोन सराईत चोरट्यांना जेरबंद केले आहे. या आरोपींनी मोटारसायकल तसेच वाहनातून माल चोरी करून परिसरात दहशत निर्माण केली होती. गुप्त माहितीच्या आधारे पथकाने सापळा रचून ही कारवाई केली असून आरोपींकडून ५ मोटारसायकली, केबल वायर व खापरी पेंड्यांची पोती असे एकूण २,०५,४८३ रुपयांचा मुद्देमाल जप्त करण्यात आला आहे.
याबाबत पोलिसांकडून मिळालेल्या माहितीनुसार गुप्त बातमीदारामार्फत आरोपी सिद्राम पोपट पवार व रमेश राजाभाऊ पवार (रा. वरुडा पारधी पिढी) यांच्या घराजवळील शेडमध्ये चोरीस गेलेल्या मोटारसायकली व केबल वायर, खापरी पेंड्यांची पोती ठेवण्यात आली होती. पोलिसांनी तात्काळ छापा टाकून दोघांना पकडले असता त्यांनी कबुली दिली की वरुडा रोडवरून जाणाऱ्या ट्रक मधून व इतर ठिकाणांहून त्यांनी चोरी केली आहे.
चोरीच्या मोटारसायकलींची चौकशी केली असता त्या आनंदनगर, भूम, केज, फौजदार चावडी (सोलापूर) व बीड ग्रामीण पोलीस ठाणे येथे दाखल असलेल्या गुन्ह्यांशी संबंधित असल्याचे आढळले. तसेच केबल वायर व खापरी पेंड्यांच्या पोत्यांबाबतही धाराशिव ग्रामीण व आनंदनगर पोलीस ठाण्यात गुन्हे दाखल असल्याची माहिती मिळाली.
पोलीस अधीक्षक श्रीमती शफकत आमान यांच्या मार्गदर्शनाखाली पोलीस निरीक्षक विनोद इज्जपवार यांच्या आदेशाने स.पो.नि. सचिन खटके, स..नि. अमोल मोरे, पो.ह. विनोद जानराव, अमोल निंबाळकर, नितीन जाधवर, म.पो.ह. शोभा बांगर, पोलीस नाईक बबन जाधवर, चालक पो.ह. महबूब अरब, विनायक दहीहंडे व प्रकाश बोइनवाड या पथकाने ही कारवाई केली.
या कारवाईमुळे धाराशिव स्थानिक गुन्हे शाखेने पुन्हा एकदा गुन्हेगारीवर प्रभावी आळा घालून नागरिकांचा विश्वास संपादन केला आहे.
लोकमदत न्यूज “सत्य शोधून लिहिण्याची ताकद”
संपादक अमजद सय्यद 8390088786
