विधान परिषद निवडणूक: भाजप-महायुतीचा शक्तिप्रदर्शन! रणनीती पक्की, विजयावर शिक्कामोर्तब?
आमदार अभिमन्यू पवार, मराठवाडा समन्वयक नितीन काळे यांच्या उपस्थितीत महत्त्वपूर्ण बैठक; कार्यकर्त्यांमध्ये नवा उत्साह
नळदुर्ग, प्रतिनिधी अझहर शेख
आगामी विधान परिषद निवडणुकीचे बिगुल वाजताच महायुतीने धाराशिव जिल्ह्यात कंबर कसली आहे. निवडणुकीची रणनीती ठरवण्यासाठी आणि मतदान शंभर टक्के यशस्वी करण्यासाठी नळदुर्ग येथे भाजप-महायुतीच्या प्रमुख पदाधिकाऱ्यांची महत्त्वपूर्ण बैठक नुकतीच पार पडली. या बैठकीने महायुतीच्या कार्यकर्त्यांमध्ये नवचैतन्य निर्माण केले आहे.बैठकीत नळदुर्ग परिसरातील स्थानिक स्वराज्य संस्थांच्या लोकप्रतिनिधींशी थेट संवाद साधण्यात आला. मतदानाची प्रक्रिया, तांत्रिक बाबी आणि बूथ मॅनेजमेंटवर सविस्तर चर्चा झाली. महायुतीच्या उमेदवाराला विजयी करण्यासाठी सर्वांनी एकदिलाने कामाला लागण्याचा निर्धार यावेळी व्यक्त करण्यात आला.या शक्तिप्रदर्शनाला औसा मतदारसंघाचे लोकप्रिय आमदार अभिमन्यूजी पवार आणि मराठवाडा समन्वयक नितीन काळे यांची प्रमुख उपस्थिती होती. त्यांच्या मार्गदर्शनाने कार्यकर्त्यांना दिशा मिळाली. बैठकीला परिसरातील मातब्बर नेते मोठ्या संख्येने हजर होते, सुनील चव्हाण चेअरमन, तुळजाभवानी साखर कारखाना, बसवराज धरणे नगराध्यक्ष,दत्तात्रयजी दास्कर गटनेते, नगरपरिषद शशिकांत पुदाले, सभापती नळदुर्ग नगरपरिषद,रिजवान काझी सिद्धेश्वर कोरे सभापती, जिल्हा परिषद बांधकाम समिती, नयर पाशा जहागीरदार भीमाशंकर हासुरे या बैठकीचे वैशिष्ट्य म्हणजे महिला नगरसेविकांची मोठी उपस्थिती. छमाबाई राठोड, राणीताई जाधव,साक्षीताई नळदुर्गकर, सुमन काकी ठाकूर,आणि मीनाक्षीताई काळे यांच्यासह अनेक महिला लोकप्रतिनिधींनी महायुतीला आपला खंबीर पाठिंबा दर्शवला. त्यांच्या सहभागामुळे बैठकीला वेगळीच धार मिळाली.
थोडक्यात सांगायचे तर, विधान परिषदेच्या या रणसंग्रामात नळदुर्ग आणि संपूर्ण धाराशिव जिल्ह्यातून महायुतीला भक्कम आघाडी मिळवून देण्यासाठी सर्व नेते आणि कार्यकर्ते सज्ज झाले आहेत. या बैठकीनंतर कार्यकर्त्यांमध्ये प्रचंड उत्साह संचारला असून, ‘आता विजय आपलाच’ असा विश्वास त्यांनी व्यक्त केला आहे.
लोकविचार सत्य शोधून लिहिण्याची ताकद संपादक अमजद सय्यद 8390088786
