जनसेवक सदानंद अकोसकर यांच्या पाठपुराव्याला यश एस.टी. कॉलनीतील रस्ता-नाली कामाला सुरुवात
धाराशिव लोकविचार
धाराशिव शहरातील सांजा रोड एस.टी. कॉलनी परिसरातील जोगडे घर ते डोके कोटा या रस्त्याची व नालीची समस्या अखेर मार्गी लागली आहे. जनसेवक सदानंद अकोसकर यांनी सातत्याने केलेल्या पाठपुराव्याला यश मिळाले असून प्रत्यक्ष कामाला सुरुवात झाल्याने परिसरातील नागरिकांमध्ये समाधानाचे वातावरण आहे.
४ ऑगस्ट २०२६ रोजी सदानंद अकोसकर यांनी नगराध्यक्षा नेहा राहुल काकडे यांना निवेदन देऊन रस्ता व नालीचे काम तातडीने सुरू करण्याची मागणी केली होती. त्याची तत्पर दखल घेत नगराध्यक्षा सौ.काकडे यांनी संबंधित अधिकारी व कंत्राटदारांना काम तात्काळ सुरू करण्याचे आदेश दिले. त्यानंतर एस.टी. कॉलनीतील नागरिकांच्या उपस्थितीत कामाचे उद्घाटन करून प्रत्यक्ष कामास सुरुवात करण्यात आली.
या कामामुळे अनेक वर्षांपासून रस्त्याच्या समस्येला सामोरे जाणाऱ्या नागरिकांना मोठा दिलासा मिळाला आहे. नागरिकांनी सदानंद अकोसकर यांचे आभार मानत त्यांच्या पाठपुराव्याचे कौतुक केले.
‘माझा परिसर, माझी जबाबदारी’ हे ब्रीदवाक्य घेऊन काम करणारे सदानंद अकोसकर यांनी, “परिसरातील नागरिकांच्या समस्या सोडविणे ही माझी जबाबदारी आहे. यापुढेही प्रभागातील कोणतेही काम असो, नागरिकांच्या समस्या प्राधान्याने सोडविण्यासाठी इमानेइतबारे प्रयत्न करत राहीन,” अशी ग्वाही दिली.
उद्घाटनप्रसंगी नगरसेविका संगीताताई पांडुरंग अकोसकर, नगरसेवक इंद्रजित देवकते, नगरसेवक राहुल भाऊ काकडे, चैतन्य महाराज, शंकर बापू कोळी, आप्पा खोत, आंटू भैय्या मुंडे, गिरीश बोचरे, आदटराव सर, हणमंत पवार, सुदाम सूर्यवंशी, जाधव काका, मनीषा ताई धस, शीला ताई देशमुख, पार्वती कोळी यांच्यासह परिसरातील नागरिक मोठ्या संख्येने उपस्थित होते.
लोकविचार सत्य शोधून लिहिण्याची ताकद संपादक अमजद सय्यद 8390088786
