प्रभाग क्रमांक १९ मध्ये विकासकामांना गती जोगडे घर ते डोके कोटा (शिवरस्ता) रस्त्याचे नागरिकांच्या हस्ते उद्घाटन

धाराशिव लोकविचार 

शहरातील प्रभाग क्रमांक १९ मधील एस.टी. कॉलनी, भवानी चौक परिसरातील नागरिकांच्या अनेक दिवसांच्या मागणीला अखेर विकासकामाच्या रूपाने मूर्त स्वरूप मिळाले आहे. जोगडे घर ते डोके कोटा (शिव रस्ता) या महत्त्वपूर्ण रस्त्याच्या कामाचे उद्घाटन परिसरातील नागरिकांच्या हस्ते मोठ्या उत्साहात करण्यात आले.

नागरिकांच्या दैनंदिन वाहतुकीसाठी महत्त्वपूर्ण असलेल्या या रस्त्याची मागणी अनेक वर्षांपासून प्रलंबित होती. नागरिकांच्या प्रश्नांना प्राधान्य देत विकासकामाला सुरुवात झाल्याने परिसरातील नागरिकांनी समाधान व्यक्त केले. रस्त्याच्या कामामुळे नागरिकांची वाहतूक अधिक सुलभ होण्यास मदत होणार असून परिसराच्या विकासालाही चालना मिळणार आहे.

यावेळी बोलताना रवी वाघमारे म्हणाले की प्रभाग क्रमांक १९ च्या विकासासाठी नागरिकांच्या मूलभूत प्रश्नांना प्राधान्य देऊन कामे मार्गी लावण्याचा निर्धार व्यक्त करीत “विकासाच्या कामात राजकारण नाही, जनसेवा हाच आमचा संकल्प,” अशी भूमिका यावेळी मांडण्यात आली.

या उद्घाटनप्रसंगी युवासेना जिल्हाप्रमुख रवी वाघमारे, राज निकम, सौ. राऊत, सौ. भोजने, आप्पा जगदाळे, युवानेते किशोर डुकरे, प्रभात मुंडे, सागर शिंदे, अमोल भोजने, वैजनाथ नरुणे, राऊत मामा, सागर टिंगरे यांच्यासह परिसरातील असंख्य नागरिक उपस्थित होते.

विकासकामाला प्रत्यक्ष सुरुवात झाल्याबद्दल नागरिकांनी रवि वाघमारे आणि राज निकम यांचे आभार मानत समाधान व्यक्त केले. नागरिकांच्या विश्वासाला विकासाची साथ देत प्रभागाचा सर्वांगीण विकास करण्यासाठी सातत्याने प्रयत्न सुरू ठेवण्याचा निर्धार यावेळी वाघमारे आणि निकम यांनी व्यक्त केला.

लोकविचार सत्य शोधून लिहिण्याची ताकद संपादक अमजद सय्यद 8390088786