राज्यमंत्री योगेश कदम यांचे तुळजाभवानी मातेचे दर्शन; शिवसेना उपनेते ज्ञानराज चौगुले यांच्या वतीने उत्स्फूर्त स्वागत
तुळजापूर लोकविचार
राज्याचे राज्यमंत्री योगेश कदम यांनी आपल्या कुटुंबीयांसह तुळजापूर येथे येऊन कुलस्वामिनी श्री तुळजाभवानी मातेचे विधिवत दर्शन घेतले. यावेळी त्यांनी राज्यातील जनतेचे सुख, समृद्धी, शांती आणि महाराष्ट्राच्या सर्वांगीण प्रगतीसाठी देवीचरणी प्रार्थना केली.
राज्यमंत्री योगेश कदम यांच्या तुळजापूर आगमनानिमित्त शिवसेना उपनेते ज्ञानराज चौगुले यांच्या वतीने त्यांचे पुष्पगुच्छ देऊन मनःपूर्वक स्वागत करण्यात आले. शिवसेनेच्या पदाधिकाऱ्यांनी आणि शिवसैनिकांनीही उत्साहपूर्ण वातावरणात त्यांचे स्वागत करत शुभेच्छा व्यक्त केल्या.
यावेळी जिल्हाप्रमुख मोहन पणूरे, जिल्हा परिषद सदस्य अजित लाकाळ, माजी तालुकाप्रमुख अमोल जाधव, अमरराजे कदम, जगन पाटील, बळीराम सुरवसे, गणेश जगताप, बापू भोसले, गणेश रोचकरी, महेश केदार यांच्यासह शिवसेनेचे अनेक पदाधिकारी, कार्यकर्ते आणि भाविक मोठ्या संख्येने उपस्थित होते.
दर्शनानंतर राज्यमंत्री योगेश कदम यांनी उपस्थित पदाधिकारी व कार्यकर्त्यांशी संवाद साधत तुळजापूर परिसरातील विविध धार्मिक, सामाजिक आणि विकासकामांबाबत माहिती घेतली. स्थानिक पातळीवरील विविध प्रश्नांवरही त्यांनी चर्चा केली आणि विकासकामांना गती देण्यासाठी सकारात्मक सहकार्याची भूमिका व्यक्त केली.
Lokvichar – लोकविचार सत्य शोधून लिहिण्याची ताकद संपादक अमजद सय्यद 083900 88786
