मल्हार पाटील यांच्या वाढदिवसानिमित्त नवजात बालकांना बेबी किट व चांदीच्या नाण्यांचे वाटप; प्रवीण माळी यांचा सामाजिक उपक्रम
धाराशिव लोकविचार
भाजपा नेते मल्हार राणाजगजितसिंह पाटील यांच्या वाढदिवसानिमित्त धाराशिव नगरपरिषदेचे शिक्षण सभापती प्रवीण माळी यांच्या वतीने जिल्हा स्त्री रुग्णालय, धाराशिव येथे आज जन्मलेल्या नवजात बालकांसाठी बेबी किटचे वाटप करण्यात आले.
यासोबतच प्रत्येक बालकाला शुभशकुन आणि कायमस्वरूपी आठवण म्हणून चांदीचे नाणे भेट देण्यात आले.या उपक्रमातून नवजात बालकांच्या कुटुंबीयांनाही आनंदाचा सुखद अनुभव मिळाला.
वाढदिवसाचे औचित्य साधत सामाजिक बांधिलकी जपत राबविण्यात आलेल्या या उपक्रमाचे उपस्थितांनी कौतुक केले.यावेळी नवजात बालकांना निरोगी, सुखी आणि उज्ज्वल आयुष्य लाभावे, अशी प्रार्थना करण्यात आली.
समाजोपयोगी उपक्रमांच्या माध्यमातून वाढदिवस साजरा केल्यास त्याला अधिक अर्थपूर्ण स्वरूप प्राप्त होते, अशी भावना उपस्थितांनी व्यक्त केली.
या कार्यक्रमास धाराशिवच्या नगराध्यक्ष नेहा राहुल काकडे, बांधकाम सभापती अभिजित काकडे, दजिअप्पा पवार यांच्यासह नगरसेवक, प्रमुख कार्यकर्ते तसेच जिल्हा स्त्री रुग्णालयातील वैद्यकीय अधिकारी व कर्मचारी उपस्थित होते.
लोकविचार सत्य शोधून लिहिण्याची ताकद संपादक अमजद सय्यद 8390088786
