शिराढोण पोलिसांची मोठी कारवाई ताडगाव-रांजणी शिवारात थरारक पाठलाग; बकरी चोरी प्रकरणी तीन आरोपींसह मुद्देमाल जप्त
शिराढोण लोकविचार
शिराढोण पोलीस ठाण्यात दाखल असलेल्या बकरी चोरी प्रकरणाचा अवघ्या काही तासांत छडा लावत शिराढोण पोलिसांनी मोठी कारवाई केली आहे. या कारवाईत चोरीस गेलेली बकरी हस्तगत करण्यात आली असून लातूर येथील तीन आरोपींना शेतातून पाठलाग करून ताब्यात घेण्यात आले आहे. पोलिसांच्या या तत्पर आणि धाडसी कारवाईचे परिसरातून कौतुक होत आहे.याबाबत मिळालेल्या माहितीनुसार, दिनांक 08 मे 2026 रोजी पोलीस ठाणे शिराढोण येथे गुन्हा क्रमांक 100/2026, कलम 303(2) भारतीय न्याय संहिता (BNS) अन्वये बकरी चोरीचा गुन्हा दाखल करण्यात आला होता. या गुन्ह्याचा तपास करण्यासाठी पोलिस अधीक्षक रितू खोखर अप्पर पोलीस अधीक्षक शफकत आमना उपविभागीय पोलीस अधिकारी संजय पवार (कळंब विभाग) यांच्या मार्गदर्शनाखाली सहाय्यक पोलीस निरीक्षक धरणीधर बाबा कोळेकर यांनी विशेष पथकाची स्थापना केली होती.सदर पथकात पोलीस हवालदार परमेश्वर मेंगले, पोलीस अंमलदार किरण देशमाने, मुंजा शिंदे तसेच चालक पोलीस हवालदार दहीहंडे यांचा समावेश होता. पथकाने घारगाव, ताडगाव व रांजणी शिवार परिसरात आरोपींचा मागोवा घेत सापळा रचला. पोलिसांनी संशयितांचा शेतामधून पाठलाग करत मोठ्या शिताफीने तिघांना पकडले.ताब्यात घेण्यात आलेल्या आरोपींमध्ये रिजवान सिकंदर पठाण (वय 19, रा. मळवटी रोड, समता नगर, लातूर)अजय नितेश उपाडे (वय 22, रा. मळवटी रोड, लातूर)सुरज अरुण मांजरे (वय 23, रा. पिंटू हॉटेल परिसर, आझाद शाळेमागे, लातूर) यांच्याकडून पोलिसांनी चोरीस गेलेली बकरी तसेच गुन्ह्यात वापरण्यात आलेली रिक्षा क्रमांक MH 24 AT 5728 जप्त केली आहे. प्राथमिक तपासात जिल्ह्यातील इतर काही भागांतही बकरे चोरीच्या घटना उघडकीस येण्याची शक्यता व्यक्त करण्यात येत आहे.सदर गुन्ह्याचा पुढील तपास सहाय्यक पोलीस निरीक्षक कोळेकर यांच्या मार्गदर्शनाखाली पोलीस हवालदार परमेश्वर मेंगले करीत आहेत.शिराढोण पोलिसांनी दाखविलेल्या तत्परतेमुळे नागरिकांमध्ये समाधान व्यक्त होत असून पोलिसांच्या कार्यक्षमतेचे सर्वत्र कौतुक केले जात आहे.
लोकवीचार सत्य शोधून लिहिण्याची ताकद संपादक अमजद सय्यद 8390088786
