संयुक्त जयंतीनिमित्त ‘त्यागमूर्ती रमाई’ एकपात्री नाटकाचे आयोजन
धाराशिव लोकविचार
महात्मा ज्योतिराव फुले, डॉ. बाबासाहेब आंबेडकर आणि गौतम बुद्ध यांच्या संयुक्त जयंतीनिमित्त धाराशिव शहरात ‘त्यागमूर्ती रमाई’ या एकपात्री नाटकाचे आयोजन करण्यात आले आहे.धाराशिव शहरातील अधिकारी व कर्मचाऱ्यांनी एकत्र येत ‘प्रशिक विचार मंच’ची स्थापना केली असून, या मंचाच्या वतीने हा सांस्कृतिक उपक्रम राबविण्यात येत आहे. २९ एप्रिल २०२६ रोजी सायंकाळी ७ वाजता येथील परिमल मंगल कार्यालयात या नाटकाचा प्रयोग सादर होणार आहे.या एकपात्री नाटकात सिने अभिनेत्री प्रतिभा आहेर ‘त्यागमूर्ती रमाई’ ही भूमिका साकारत प्रेक्षकांसमोर येणार आहेत. या प्रयोगातून रमाई यांच्या त्यागमय जीवनाची आणि संघर्षाची प्रभावी मांडणी केली जाणार आहे.या कार्यक्रमाचा लाभ जिल्ह्यातील व शहरातील नागरिकांनी घ्यावा, असे आवाहन प्रशिक विचार मंच, धाराशिव यांच्या वतीने करण्यात आले आहे.
