डॉ.बाबासाहेब आंबेडकर जयंती निमित्त आज भव्य मिरवणूक
डी. एस. ग्रुपच्यावतीने मनोज जरांगे पाटील यांच्या प्रमुख उपस्थितीत विविध कार्यक्रमांचे आयोजन
धाराशिव – लोकविचार
महामानव डॉ. बाबासाहेब आंबेडकर यांच्या १३५ व्या जयंतीनिमित्त धाराशिव शहरात मध्यवर्ती जयंती समारोह समिती व डी. एस. ग्रुपच्यावतीने बुधवार दि.२२ एप्रिल रोजी सायंकाळी ५ वाजता मिरवणूक सोहळ्याचे आयोजन करण्यात आले आहे. भीम अनुयायी आणि नागरिक यांनी मोठ्या संख्येने उपस्थित रहावे असे आवाहन मार्गदर्शक धनंजय शिंगाडे यांनी केले आहे. धाराशिव शहरातील भीमनगर येथील क्रांती चौकातून मिरवणूक सेाहळ्यास प्रारंभ होणार आहे. या सोहळ्याचे उद्घाटन मराठा योद्धा मनोज जरांगे-पाटील यांच्या हस्ते होणार आहे. यावेळी प्रमुख पाहुणे म्हणून सौंदाळाचे सरपंच शरदराव आरगडे पाटील, कोषाध्यक्ष विशाल शिंगाडे आणि अध्यक्ष प्रविण सुर्यवंशी यांची प्रमुख उपस्थिती असणार आहे. ही मिरवणूक रथयात्रा भीम नगर, क्रांती चौक, भीम जयंतीनिमित्त होणार्‍या या भव्य आयोजनामुळे शहरात उत्साहाचे वातावरण निर्माण झाले आहे. मिरवणूक व सामाजिक उपक्रमांत सर्व भीमप्रेमींनी सहभागी व्हावे, असे आवाहन मार्गदर्शक धनंजय शिंगाडे व विशाल शिंगाडे यांनी केले आहे.
लोकविचार सत्य शोधून लिहिण्याची ताकद संपादक अमजद सय्यद 8390088786
