धाराशिव येथे आर्थिक वादातून कुरेशींच्या वीट भट्टीवर तरुणावर निर्घृण हल्ला लाथाबुक्यांनी व काठीने जबर मारहाण
धाराशिव | लोकमदत न्यूज
धाराशिव शहर पोलीस ठाण्याच्या हद्दीत आर्थिक व्यवहाराच्या कारणावरून एका तरुणावर निर्घृण हल्ला केल्याची धक्कादायक घटना समोर आली आहे. आरोपी अजीम करीम कुरेशी व वसीम कुरेशी (दोघे रा. राजीव गांधी नगर, धाराशिव) यांनी राघुचीवाडी येथील अजीम कुरेशी यांच्या विटभट्टीवर फिर्यादी विश्वनाथ दत्तात्रय ढेकळे (वय 28, रा. जुना बसडेपोच्या पाठीमागे, शिवरत्न चौक, धाराशिव) यांना लाथाबुक्यांनी व खोऱ्याच्या दांड्याने मारहाण करून गंभीर जखमी केले.
याबाबत पोलिस सूत्रांकडून मिळालेल्या माहितीनुसार दि. 31 जानेवारी 2026 रोजी सायंकाळी सुमारे 4 वाजण्याच्या सुमारास आर्थिक व्यवहाराच्या कारणावरून आरोपींनी विश्वनाथ ढेकळे यांना शिवीगाळ करत अचानक हल्ला चढवला. लाथाबुक्यांनी बेदम मारहाण करत खोऱ्याच्या दांड्याने डोक्यावर व अंगावर प्रहार करण्यात आला. तसेच “जिवे ठार मारण्याची” धमकी दिल्याचेही फिर्यादीत नमूद आहे. या मारहाणीत विश्वनाथ ढेकळे गंभीर जखमी झाले असून त्यांच्यावर उपचार सुरू आहेत.
या प्रकरणी दि. 1 फेब्रुवारी 2026 रोजी विश्वनाथ ढेकळे यांनी दिलेल्या फिर्यादीवरून धाराशिव शहर पोलीस ठाण्यात आरोपींविरोधात भा.न्या.सं. कलम 118(2), 296, 351(2), 352 व 3(5) अन्वये गुन्हा दाखल करण्यात आला आहे. पुढील तपास पोलीस करत आहेत.
दरम्यान, शहरात दिवसाढवळ्या झालेल्या या हिंसक घटनेमुळे नागरिकांमध्ये भीतीचे वातावरण निर्माण झाले असून आरोपींवर कठोर कारवाईची मागणी होत आहे.
लोकमदत न्यूज सत्य शोधून लिहिण्याची ताकद
संपादक अमजद सय्यद 8390088786
