ह.भ.प. कल्याणराव चव्हाण यांचे धाराशिव
दि. १३संत गोरोबाकाका पब्लिक मंदिर ट्रस्ट पंढरपूरचे उपाध्यक्ष,साने गुरुजी वाचनालय रुईभर चे अध्यक्ष, अध्यात्मिक क्षेत्रातील गाढे अभ्यासक, रुईभर तालुका धाराशिव येथील रहिवासी ,ह.भ.प. कल्याणराव गणपती चव्हाण यांचे दिनांक १३ एप्रिल २०२६ रोजी सोमवारी पहाटे ५:०० वाजता वृद्धापकाळाने व दीर्घ आजाराने निधन झाले. ते ९१ वर्षाचे होते.लहानपणापासून संत गोरोबा काकांच्या पालखीसोबत तेर ते पंढरपूर नियमितपणे ते पायी वारी करत होते.त्यांच्या पश्चात भाऊ,बहीन,दोन मुले, तीन मुली,नातू पणतू आहेत. केशव माध्यमिक व उच्च माध्यमिक विद्यालय खानापूर तालुका धाराशिव चे मुख्याध्यापक एकनाथ चव्हाण व सामाजिक वनीकरण विभाग धाराशिव येथील सेवानिवृत्त कर्मचारी गुरुनाथ चव्हाण यांचे ते वडील तर कॉम्रेड नाना चव्हाण यांचे ते भाऊ होत. अंत्यविधी दुपारी ४ वाजता चव्हाण मळा रुईभर येथे करण्यात आली.यावेळी अध्यात्मिक, शिक्षण, राजकीय, सामाजिक, क्षेत्रातील मान्यवर व ग्रामस्थ मोठ्या संख्येने उपस्थित होते.अनेकांनी आपल्या भावना व्यक्त करून श्रद्धांजली वाहिली.
