धाराशिवमध्ये ‘गंगाधर करंडक’ स्पर्धेकडे प्रेक्षकांची पाठ! राज्यस्तरीय नाट्यस्पर्धा असूनही प्रचाराचा अभाव आयोजकांवर प्रश्नचिन्ह!
धाराशिव | लोकमदत न्यूज
धाराशिव शहरातील नगर परिषद परिसरातील छत्रपती शिवाजी महाराज नाट्यगृह येथे अखिल भारतीय मराठी नाट्य परिषद मुंबई व शाखा धाराशिव यांच्या वतीने 27 मार्च ते 31 मार्च 2026 दरम्यान ‘गंगाधर करंडक’ राज्यस्तरीय नाट्यस्पर्धेचे आयोजन करण्यात आले आहे. मात्र, इतक्या मोठ्या प्रमाणात आयोजित करण्यात आलेल्या या स्पर्धेकडे जिल्ह्यातील नागरिक तसेच रसिकांनी पाठ फिरवल्याचे वास्तव समोर येत आहे.
राज्यभरातील विविध नाट्यसंस्था सहभागी असताना अपेक्षित प्रेक्षकसंख्या दिसून न आल्याने आयोजकांच्या नियोजनावर प्रश्नचिन्ह उपस्थित होत आहे. विशेषतः या स्पर्धेचा पुरेसा प्रचार-प्रसार न झाल्यानेच सामान्य नागरिकांपर्यंत माहिती पोहोचली नसल्याची चर्चा रंगू लागली आहे.
नाट्यसंस्कृती जपण्यासाठी अशा प्रकारच्या स्पर्धा महत्त्वाच्या मानल्या जातात. मात्र, अशा स्पर्धांची माहितीच लोकांपर्यंत पोहोचत नसेल, तर त्याचा उद्देशच फोल ठरत असल्याचे जाणकारांचे मत आहे.
धाराशिवसारख्या शहरात राज्यस्तरीय नाट्यस्पर्धा आयोजित होणे ही अभिमानाची बाब असतानाही प्रेक्षकांचा प्रतिसाद अत्यल्प राहिल्याने आयोजकांच्या कार्यपद्धतीवर प्रश्न उपस्थित होत आहेत.
“जनतेपर्यंत माहिती पोहोचविण्यात आयोजक अपयशी ठरले का?” असा सवाल उपस्थित होत असून, भविष्यात अशा स्पर्धांसाठी प्रभावी प्रचारयोजना राबविण्याची गरज व्यक्त होत आहे.
एकीकडे कलाकार उत्तम सादरीकरण करत असताना दुसरीकडे रिकाम्या खुर्च्यांसमोर प्रयोग सादर करण्याची वेळ येत असल्याने ही परिस्थिती नाट्यप्रेमींसाठी चिंतेची ठरत आहे.
लोकमदत न्यूज सत्य शोधून लिहिण्याची ताकद
संपादक अमजद सय्यद 8390088786
