धाराशिव, दि. २५ (प्रतिनिधी):आगामी काळात होऊ घातलेले सन गणेशोत्सव व ईद-ए-मिलाद सण शांततेत, सुरळीत आणि उत्साहात पार पडावेत तसेच कायदा व सुव्यवस्था अबाधित राहावी यासाठी धाराशिव शहर पोलीस स्टेशनच्या वतीने भव्य रूट मार्च काढण्यात आला.
धाराशिव शहरामध्ये जिल्हा पोलीस अधीक्षक श्रीमती शफाकत आमना यांच्या उपस्थितीत संपन्न झाला. यावेळी उपविभागीय पोलीस अधिकारी राऊत, पोलीस निरीक्षक कुमार दराडे, सहाय्यक पोलीस निरीक्षक अंभोरे, पोलीस उपनिरीक्षक ओहोळ, डिगोळे, गवळी तसेच आरसीपीचे इन्चार्ज पोलीस उपनिरीक्षक बहुरे यांनी सहभाग नोंदवला.
रूट मार्चमध्ये धाराशिव शहर पोलीस ठाण्याचे अधिकारी व कर्मचारी, एस.आर.पी.चे सेक्शन, होमगार्ड तसेच क्यूआरटीचे जवान मोठ्या संख्येने सहभागी झाले होते. शहरातील प्रमुख मार्गांवरून काढण्यात आलेल्या या रूट मार्चदरम्यान नागरिकांना शांततेत सण साजरा करण्याचे आवाहन करण्यात आले.
यावेळी पोलीस प्रशासनाने नागरिकांना कायदा व सुव्यवस्था अबाधित राखण्यासाठी पोलीस दल सदैव तत्पर असून कुठल्याही प्रकारच्या अनुचित घटनेस वाव दिला जाणार नाही असा इशारा दिला. रूट मार्चमुळे शहरात कायदा व सुव्यवस्थेचा ठसा उमटला असून नागरिकांमध्ये समाधानाचे वातावरण निर्माण झाले आहे.
