काँग्रेसला धक्का दोन नगरसेवक सिद्धार्थ बनसोडे व अक्षय जोगदंड यांचा मंत्री जयकुमार गोरे यांच्या उपस्थितीत मुंबईत पक्षप्रवेश
धाराशिव | लोकमदत न्यूज
धाराशिव नगर परिषदेमध्ये काँग्रेस पक्षाला मोठा धक्का बसला असून, काँग्रेसचे गटनेते नगरसेवक सिद्धार्थ बनसोडे आणि नगरसेवक अक्षय जोगदंड यांनी भारतीय जनता पार्टीत जाहीर प्रवेश केला आहे. मुंबई येथे पार पडलेल्या या पक्षप्रवेश सोहळ्याला राज्याचे ग्रामीण विकास मंत्री जयकुमार गोरे यांची प्रमुख उपस्थिती होती.
भाजपाच्या जनहिताच्या आणि विकासाभिमुख कामांवर विश्वास व्यक्त करत या दोन्ही नगरसेवकांनी पक्षप्रवेश केला असून या प्रवेशामुळे धाराशिव शहरातील भाजपाची संघटनात्मक ताकद आणखी बळकट होणार असून, आगामी काळात विकासाच्या राजकारणाला अधिक गती मिळेल, असा विश्वास व्यक्त केला जात आहे.
यावेळी आमदार राणाजगजितसिंह पाटील यांनी नव्याने पक्षात दाखल झालेल्या नगरसेवकांचे स्वागत करत त्यांच्या पुढील राजकीय वाटचालीस शुभेच्छा दिल्या. बनसोडे व जोगदंड यांच्या अनुभवाचा आणि कार्यक्षमतेचा लाभ पक्ष संघटन व सर्वसामान्य जनतेच्या हितासाठी निश्चितच होईल, असेही त्यांनी नमूद केले.
या पक्षप्रवेश सोहळ्यास भाजपाचे गटनेते अमित शिंदे, नगरसेवक राहुल काकडे, अभिजित पतंगे, अक्षय ढोबळे, दत्ता पेठे यांच्यासह अनेक पदाधिकारी व कार्यकर्ते मोठ्या संख्येने उपस्थित होते.
लोकमदत न्यूज सत्य शोधून लिहिण्याची ताकद
संपादक अमजद सय्यद 8390088786
