हॉटेल बडेमियातर्फे जंगी इफ्तार पार्टीचे आयोजन; विविध क्षेत्रातील मान्यवरांची मांदियाळी
धाराशिव / लोकमदत न्यूज
सामाजिक सलोखा आणि बंधुभावाचे प्रतीक असलेल्या रमजान महिन्याच्या निमित्ताने, हॉटेल बडेमियाचे संचालक मोहसीन शेख यांच्या वतीने भव्य इफ्तार पार्टीचे आयोजन करण्यात आले होते. गेल्या ९ वर्षांपासून अविरतपणे सुरू असलेली ही परंपरा यावर्षीही मोठ्या उत्साहात पार पडली.
या इफ्तार पार्टीला प्रशासकीय, वैद्यकीय आणि सामाजिक क्षेत्रातील अनेक दिग्गज मान्यवरांनी उपस्थिती लावली. यामध्ये प्रामुख्याने डॉ. प्रतापसिंह पाटील, सीए मोहसीन शेख, डॉ. वासीक काझी, पोलीस निरीक्षक (PI) दराडे साहेब, पोलीस निरीक्षक (PI) शकील शेख आणि मैनुद्दीन पठाण यांचा समावेश होता.
या प्रसंगी बोलताना आयोजक मोहसीन शेख म्हणाले की, “गेल्या नऊ वर्षांपासून आम्ही या इफ्तार पार्टीचे आयोजन करत आहोत. सर्व धर्मीय बांधवांनी एकत्र येऊन सण साजरा करावा आणि समाजात एकतेचा संदेश जावा, हाच आमचा मुख्य उद्देश आहे.”
कार्यक्रमाला शहरातील इतर प्रतिष्ठित नागरिक आणि पत्रकार मोठ्या संख्येने उपस्थित होते. सर्वांनी एकत्र येऊन रोजा इफ्तार केला आणि देशात शांतता व समृद्धी नांदो, अशी प्रार्थना केली. हॉटेल बडेमिया परिवारातर्फे आलेल्या सर्व पाहुण्यांचे यथोचित स्वागत करण्यात आले.
