धाराशिव जिल्हा न्यायालयीन कर्मचारी सहकारी पतसंस्थेची 38 वी वार्षिक सर्वसाधारण सभा उत्साहात संपन्न
धाराशिव दि.१८(प्रतिनिधी): धाराशिव जिल्हा न्यायालयीन कर्मचारी सहकारी पतसंस्थेची 38 वी वार्षिक सर्वसाधारण सभा संस्थेचे अध्यक्ष श्री. आनंद सूर्यवंशी यांच्या अध्यक्षतेखाली अतिशय खेळीमेळीच्या वातावरणात संपन्न झाली. या सभेला विविध संघटनांचे पदाधिकारी तसेच मोठ्या संख्येने सभासद उपस्थित होते.
सभेत आर्थिक आढावा सादर करताना संस्थेला 31 मार्च 2025 अखेर एकूण 78 लाख 33 हजार रुपयांचा नफा झाल्याचे जाहीर करण्यात आले. या नफ्यातून सभासदांना 6.5 टक्के दराने लाभांश वाटप करण्यात येणार असल्याची माहिती सभेत देण्यात आली.
सभासदांच्या सोयीसाठी कर्ज मर्यादेत वाढ करण्याचा महत्वाचा ठराव सभेत मंजूर करण्यात आला. त्यानुसार नियमित कर्ज मर्यादा 5 लाखांवरून 6 लाखांपर्यंत वाढविण्यात आली असून तातडी कर्ज मर्यादा देखील 25 हजारांवरून 30 हजार रुपयांपर्यंत वाढविण्यात आली आहे.
वार्षिक सभेत मांडण्यात आलेले सर्व ठराव एकमताने मंजूर झाले. सभेचे सूत्रसंचालन अमोल पवार (संचालक तसेच अध्यक्ष, जिल्हा न्यायालयीन कर्मचारी संघटना वर्ग-३, धाराशिव-उस्मानाबाद) यांनी केले, तर आभार प्रदर्शन संस्थेचे संचालक यशवंत गोमादे यांनी मानले.
लोकमदत न्यूज “सत्य शोधून लिहिण्याची ताकद”
संपादक अमजद सय्यद 8390088786
